Start 32:28 - Hawaii Pidgin Bible

²⁸ Da odda guy tell, “From now, yoa name no goin be Jacob. Yoa name Israel now, cuz you make fight wit God an wit peopo, an you win.” (“Israel,” dat mean “make fight wit God,” dea language.)

Start 32:28 ပူးပေါင်းရင်းမြစ်များ

Start 17:15

Den God tell Abraham dis too: “Yoa wife Sarai, from now, you no goin call her Sarai. Her name goin be Sarah, dat mean ‘princess.’

Start 17:5

From now, yoa name no goin be Abram no moa, dat mean ‘Importan Faddah.’ Yoa name goin be Abraham, dat mean ‘Faddah Fo Plenny Peopos.’ Cuz I stay make you da ancesta guy fo big stack diffren peopos.

Start 25:31

Jacob tell, “Shoots. But firs, you gotta sell me yoa right fo get oua faddah stuffs bumbye afta he mahke cuz you da oldes. Den I let you eat.”

Start 31:24

But nite time, God let Laban da Aram guy see um inside one dream. God tell Laban, “Watch out! No say notting to Jacob, bad kine o good kine!”

Start 32:24

He da ony guy dat stay dea. Had one guy dea dat come an wresso wit Jacob all nite till start fo come litto bit light.

Start 32:27

Da odda guy tell, “Wat yoa name?” Jacob tell, “Jacob.”

Start 33:20

Jacob put up one altar dat place, an he call um El-Elohe-Yisrael, dat mean “God, he da God fo Israel,” dea language.

Start 33:4

Esau run to Jacob fo tell um aloha. Esau give his braddah Jacob one big hug, an kiss um, an dey cry togedda.

Start 35:10

He tell Jacob, “You, yoa name Jacob, But from now, yoa name no goin be Jacob. Yoa name Israel now.” Dass how God give Jacob da name Israel, “Fight Wit God.”

2 Samuel 12:25

Az why Da One In Charge tell Nathan, da guy dat talk fo him, fo give Solomon da name “Jedediah” too, dat mean “Da One In Charge love him.”

1 Kings 18:31

Elijah go get twelve stone, one stone fo all da twelve ohanas dat come from Jacob. (An Jacob, he da guy long time befo time get one message from God, “From now, yoa name goin be ‘Israel.’ ”)

2 Kings 17:34

Till today, dose odda peopos still do da same ting dey wen do befo time. Dey no show respeck fo Da One In Charge fo real kine. Dey no stay do wat God tell dey gotta do. Dey no do wat God Da Judge tell az right. Dey no stay stick wit da rules dat Da One In Charge wen give da Jacob ohana, an give um da name Israel.

1 Records 1:34

Abraham da faddah fo Isaac. Isaac boys: Esau an Israel.

Smart Guys 16:7

Wen Da One In Charge like da way you live, Even wen peopo stay agains you, Da One In Charge goin make dem tink diffren bout you So eryting goin come good wit you an dem.

Isaiah 43:1

But now, dis da message from Da One In Charge Da One wen make you Jacob peopo, Dat make da Israel ohana how dey stay: “No sked! cuz I wen pay da price Fo all you guys So you no gotta be one slave. I call you by yoa name, An you mines.

Isaiah 65:15

Da Israel peopo I goin pick, Da ony time dey goin use you odda Israel guys name Goin be fo put kahuna on top somebody. But me, Da One In Charge, da Boss, I goin kill you odda Israel guys, An give one diffren name fo my worka guys.

Census 13:16

Dese da names a da guys Moses sen fo find out wat get inside da land. (Moses give Hoshea, Nun boy, da name Joshua.)

John 1:42

Den he bring Simon to Jesus. Jesus look at um an tell, “You Simon, an yoa faddah John, aah? but not da Baptiza guy. From now peopo goin call you ‘Cefas.’ ” (Dat mean “Peter,” o “Da Rock,” in dea language.)

Jesus Show 2:17

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um some a da manna kine bread fo eat Dat God wen hide fo dem befo time. An I goin give um one white stone Wit one new name Dat God wen write on top um. Da guy dat get dat name, He da ony one goin know um.

1 Samuel 26:25

Den Saul tell David, “God goin do plenny good kine stuff fo you, my boy David. Fo shua you goin do big kine tings an be da winna.” So David go way from dea an Saul go back his place.