Start 32:20 - Hawaii Pidgin Bible

²⁰ He tell um fo tell dis too: “Yoa slave guy Jacob, he goin come afta us guys.” Cuz Jacob figga, “I goin sen present befo I get dea. Den maybe dat make um no get plenny huhu wit me wen I see um. Maybe he let me go.”

Start 32:20 ပူးပေါင်းရင်းမြစ်များ

Start 32:19

Jacob tell da numba two worka guy fo do da same ting, same ting fo da numba three guy an all da odda guys dat goin go wit da animals. He tell all dem fo tell Esau same same wen dey see um.

Start 32:21

So all da animals fo make present fo Esau wen go ahead, but Jacob dem, dey stay da place dey wen camp out dat nite.

Start 43:11

Den dea faddah Israel tell um, “Kay den. If az how gotta be, den az how goin be. So do dis: go get da bestes kine stuffs dat come from dis land. Take um wit you inside yoa bags fo make present fo da main man—litto bit sap from da kine bush dass good fo medicine, litto bit honey, da kine sap you get outa da tragacanth root, myrrh, pistachio nut, an almond nut.

1 Kings 20:31

Da guys dat work fo da Aram king tell um, “You know wat? Us guys hear, can trus da Israel kings fo do good kine stuff fo peopo. Az why, good us guys put burmbag kine clotheses aroun da wais, an ropes aroun oua head. Den we go da Israel king. Maybe he let you live.”

Smart Guys 15:18

Da kine guy dat stay huhu all da time, He ony like make erybody argue wit each odda. Wen no mo notting bodda one guy, He make erybody come so notting bodda dem.

Smart Guys 16:14

Wen da king come huhu, Az jalike he stay sen messenja guys Fo tell you, you gotta mahke. But if you da kine guy dat know wat fo do erytime, You goin make da king come so notting bodda him.

Smart Guys 18:16

Wen you give one present to importan peopo, Make um easy fo talk to dem layta, An help you come tight wit dem.

Smart Guys 21:14

Wen somebody stay huhu wit you, Give um one present, But no tell nobody, Den da one stay huhu, Goin come so notting bodda him. Peopo put unda da table kine money Inside da odda guy pocket, Fo make da odda guy no stay mad no moa.

Smart Guys 6:35

Da husban no goin like you tell him, “Kay den,” No matta how much silva you give him fo no tell. Even if you give him plenny silva Fo try make him change his mind, He no goin change his mind.

Jonah 3:9

Nobody know if God goin change his mind bumbye. He tell ‘Laytas’ to da kine tings us guys stay do, but maybe he goin show pity an change his mind so us guys no come wipe out!”

2 Timoty 2:25

Wen peopo go agains him, he gotta teach um da true stuff, an teach um nice kine. Den maybe God goin make dem change dea mind fo dem know da trut.

1 Samuel 6:5

Copy yoa swell up places, an copy da rats dat stay wipe out da peopo inside dis land. Show plenny respeck fo da Israel peopo god. Den, maybe he goin pau give hard time to you guys, yoa gods, an yoa land.