Start 31:55 - Hawaii Pidgin Bible

⁵⁵ Nex morning, Laban wake up early. He kiss his daughtahs an his grankids, an tell God fo do good tings fo dem. Den he go home.

Start 31:55 ပူးပေါင်းရင်းမြစ်များ

Start 18:33

Afta Da One In Charge pau talk wit Abraham, he hele on Sodom town. Abraham, he go back his place.

Start 24:60

Da ohana peopo tell God fo do good tings fo Rebecca. Dey tell, “Eh, you oua sistah! We like you come da ancesta wahine Fo ten million peopo! We like da peopo dat goin come from you come strong So wen odda peopo go agains dem, Yoa peopo goin take ova dea towns!”

Start 28:1

Az why Isaac tell Jacob fo come by him. He tell God fo take kea Jacob. Den he tell Jacob, “No take one Canaan kine wahine from hea fo come yoa wife.

Start 30:25

Afta Rachel born Joseph, Jacob tell Laban, “I like you let me go back home now, my home land.

Start 31:28

But you, you neva even let me kiss my daughtahs an my grankids fo tell um aloha! Dass stupid fo make lidat!

Start 31:43

Den Laban tell Jacob dis: “Kay den. Da wahines, dey my daughtahs. Da kids, dey my grankids. Da sheeps an goats, dey my sheeps an goats. Eryting you see, mines. But wat? I no can do notting now bout my daughtahs, an da kids dey wen born.

Start 33:4

Esau run to Jacob fo tell um aloha. Esau give his braddah Jacob one big hug, an kiss um, an dey cry togedda.

2 Samuel 19:39

So dass how all da peopo go da Jerusalem side a da Jordan Riva. Da king go dea too. Da king kiss Barzillai, an tell God fo do good kine stuff fo him. Afta dat, Barzillai go back his place.

Songs 76:10

Wen peopo come real huhu, Dat show proof dat you da bestes. An if dey stay had it wit you still yet, Dat make you look good.

Smart Guys 16:7

Wen Da One In Charge like da way you live, Even wen peopo stay agains you, Da One In Charge goin make dem tink diffren bout you So eryting goin come good wit you an dem.

Census 23:11

Balak tell Balaam, “Wat you stay do to me! I wen bring you ova hea fo put kahuna on top da peopo dat stay agains me! So, wassup?! You stay tell God fo do ony good tings to dem!”

Census 23:5

Da One In Charge put some words in Balaam mout fo tell Balak. He tell Balaam, “Da words I give you jus now fo tell Balak, go back by Balak an tell um dat.”

Census 23:8

How you tink I can put kahuna on top dem, Wen God no put kahuna on top dem?! How you tink I goin tell how mad I stay wit dem, Wen Da One In Charge not mad wit dem?! Not even!

Census 24:25

Den Balaam get up fo go back wea he come from. An Balak go his place.

Rules Secon Time 23:5

But yoa God, Da One In Charge, get love an aloha fo you guys. Az why he no lissen Balaam. He take da bad ting Balaam like do an make um come good fo you guys.

Rules Secon Time 32:36

Da One In Charge goin be da judge Dat goin tell his peopo dey no mo da blame. He goin show love an pity fo his worka guys Wen he see dat dey no mo powa An no mo da Israel guys dea, No matta dey slave guys o not slave guys.

Ruth 1:14

Den Ruth an Orpah start fo cry one mo time. Orpah, she kiss her muddah-in-law fo tell her aloha, an she go back home. But Ruth, she like stay tight wit Naomi.