Start 3:4 - Hawaii Pidgin Bible

⁴ Da snake tell, “No way! You guys no goin mahke inside from dat!

Start 3:4 ပူးပေါင်းရင်းမြစ်များ

Start 3:13

God, Da One In Charge, tell da wahine, “Eh! Wat you wen do, aah?!” Da wahine tell um, “Was da snake! Da buggah wen go trick me! Az how come I wen eat da fruit!”

Start 3:3

Ony get da one tree ova dea inside da middo, dat God tell us, ‘No even eat um, an no touch um! No good bumbye you guys goin mahke inside, az why.’ ”

2 Kings 1:16

Wen Elijah see da king, he tell um, “Dis wat Da One In Charge tell: You tink no mo God inside Israel fo aks him wat fo do, so you sen guys Ekron side fo aks dea god Baal-Zebub wat fo do? Cuz you wen make lidat, you no goin get off da punee you stay lay on top. Fo shua you goin mahke!”

2 Kings 1:4

Cuz you do dis, dis wat Da One In Charge tell: ‘King Ahaziah, you no goin stan up one mo time from da punee wea you stay lay down. Fo shua, you goin mahke!’ ” Elijah go an tell da messenja guys dis.

2 Kings 1:6

Dey tell um, “One guy come meet us, an he tell us fo go back by you da king dat wen sen us guys, an tell you, ‘Dis wat Da One In Charge tell: Wot?! No mo God inside Israel, o wat? Az why you guys gotta go Ekron side fo aks dea god Baal-Zebub wat goin happen?! Az why you no goin stan up one mo time from da punee wea you stay lay down. Fo shua you goin mahke!’ ”

2 Kings 8:10

Elisha tell Hazael, “Go tell Ben-Hadad, ‘Fo shua you goin live.’ But Da One In Charge wen show me dis too, dat Ben-Hadad goin mahke fo shua.”

2 Records 18:21

“Da spirit tell, ‘I goin make jalike one spirit dat bulai. So den wen all da guys dat talk fo his gods tell someting, dey goin bulai!’ “Da One In Charge tell, ‘Den you make Ahab tink he can go. Shoots! Do wat you wen tell!’

Songs 10:11

Da bad guys, dey tink, “God, he foget awready! God look da odda way, Fo make jalike he neva see notting.”

John 8:44

“You guys come from yoa faddah, da Devil! You guys like do da kine stuff he like do. From da start, he like kill peopo. He no like da trut, cuz no mo notting true inside him. He erytime bulai, cuz dass wat he like do. He da firs guy eva wen bulai, cuz dass how he stay.

2 Corint 11:3

Now you guys stay clean inside an stay tight wit Christ. But I stay sked dat you guys goin bag from stay clean inside an tight wit Christ. Cuz yoa tinking come hamajang. Dass jalike da time da snake wen bulai Eve cuz he one sly buggah!

2 Corint 2:11

Cuz I no like da Devil trick us. We know he one sly buggah.

Rules Secon Time 29:19

“Wen dat kine guy hear wat dis strong promise tell, he aks fo good kine stuff fo him from Da One In Charge. Cuz a dat, he tink, ‘I goin be okay, no matta I still yet do wat I like.’ Cuz he tink lidat, God goin wipe out da land dat get watta, an da dry land too.

1 Timoty 2:14

Satan neva trick Adam, but he wen go trick Eve big time. She da one wen broke da Rules From God.