Start 3:23 - Hawaii Pidgin Bible

²³ Dass why God, Da One In Charge, throw dem outa Eden, da place he wen plant da trees. God make dem go work da same dirt dat he wen use fo make um firs time.

Start 3:23 ပူးပေါင်းရင်းမြစ်များ

Start 2:5

all ova da world, neva even have wild bushes country side. Neva have da kine grass dat come up country side, cuz God, Da One In Charge, neva make da rain come down on top da groun yet, an cuz neva have nobody fo work da groun.

Start 2:7

Den God, Da One In Charge, take dirt from da groun an make one guy. God blow on top his face fo make da guy come alive. Az how da guy get life inside him.

Start 2:8

God, Da One In Charge, wen plant plenny trees one place ova dea Eden side, da east side. Dass wea he put da guy he wen make.

Start 3:19

You gotta bus ass an sweat Fo get enuff food outa da groun, An afta, you goin go back to da dirt Cuz I wen make you outa da dirt. You come from dirt, An you goin come dirt one mo time.”

Start 3:22

Den God, Da One In Charge, talk lidis: “So, wat you tink? Da peopo wen come jalike us awready. Dey undastan wass good an wass bad. So now, no good we let um take da fruits from Da Tree Dat Make You Live Foeva, an eat um. Cuz if dey do dat, dey goin live foeva, az why!”

Start 3:24

Afta God throw um out, he put spesho angels watcha tings dat stay alive ova dea on da east side a da place he wen plan, Eden side. He put one sword dea too, wit fire dat come out, an dat move all aroun fo nobody go nea da Tree Dat Make You Live Foeva.

Start 4:12

Wen you try fo work da groun, da groun no goin give you back notting good. You no goin get one place fo live. From now, you gotta jus go from one place inside dis world to anodda place!”

Start 4:2

Laytas, she born anodda boy, dass Abel, Cain braddah. Wen dey come big, Abel come one sheep an goat farma, an Cain come one dirt farma.

Start 9:20

Noah, he one farma guy. An he da firs guy dat eva plant one grape farm.

Teacha 5:9

Get plenny stuff come from da land, an erybody get one cut from um, even da king!