Start 3:18 - Hawaii Pidgin Bible

¹⁸ Wen you plant seed, da land goin grow weeds an thorns fo you too. Still yet, you goin eat da kine food dat grow inside da fields.

Start 3:18 ပူးပေါင်းရင်းမြစ်များ

Start 3:17

God tell da guy Adam dis: “You, you wen do wat yoa wife tell you fo do, an not how I tell you fo do. You wen eat da fruit from dat tree, no matta I wen tell you befo time, no eat um. “Cuz a wat you wen do, I goin make da land hard fo grow stuff! From now, till you mahke, You goin bus ass fo get stuff fo eat!

Start 3:19

You gotta bus ass an sweat Fo get enuff food outa da groun, An afta, you goin go back to da dirt Cuz I wen make you outa da dirt. You come from dirt, An you goin come dirt one mo time.”

Job 1:21

He tell, “Wen I come outa my muddah belly, I stay naked, no mo notting! Wen I leave dis world, I no goin get notting! Da One In Charge give, An Da One In Charge take away. I goin talk good bout Da One In Charge Cuz I know wat kine god him!”

Job 31:40

Den I like da thorns come up an not da wheat, An da weeds come up an not da barley!” Dass it, wat Job tell.

Job 5:5

I like fo da peopo dat stay hungry Eat up da food dat guy wen plant, Befo he harves um. I like dey take da guy food, even wea get thorn fence. I like fo da greedy peopo go afta da rich kine stuffs he get.’

Songs 104:2

Da One In Charge Get light all aroun him, Jalike dass wat he wea. He set up da whole sky Jalike one guy set up one tent cova.

Songs 90:3

You da One make peopo come dirt One mo time wen dey mahke. You tell, “You peopo, time awready Fo you come dirt jalike befo time!”

Smart Guys 22:5

Ery place da crooked kine guy go, Jalike get thorn bush an trap all ova da place Fo stop him. But da kine guy dat take good kea his life, He no goin go dat way.

Smart Guys 24:31

An you know wat?! Get plenny weed all ova da place, An thorn bush all ova da groun! Da stone wall, all broke down!

Isaiah 32:13

Cry fo my peopo land Dat ony get thorns an thorn bush stay growing! Cry fo all da house wea erybody Wen dance an sing An fo da town wea dey get plenny party befo time!

Isaiah 5:6

I goin make um jalike da boonies wea no mo notting. Nobody goin trim um, o hoe hana da weeds. Plenny stickas an thorn bushes goin grow dea. I goin tell da clouds Fo no let um rain on top um.

Isaiah 7:23

But afta da army guys go way, all da place wea had tousan grape plants worth tousan piece silva, now eryting dat goin grow afta, ony goin be thorn kine plants.

Isaiah 7:24

Anybody go dea, dey goin take bow an arrow fo hunt, cuz ony get thorn bush all ova da place, ova dea.

Jeremiah 12:13

Da peopo goin plant wheat But ony thorns dey goin harves. Dey bus ass an come tired, But dea work no goin help dem notting. I like fo dem come shame cuz no mo wheat fo harves, Cuz Da One In Charge stay real huhu wit dem!”

Jeremiah 4:3

Dis wat Da One In Charge tell da Judah guys an da Jerusalem guys, “Go come clean inside fo you be my guys! Jalike you make ready yoa new fields dat nobody eva plow. No throw da seed wea get plant wit thorns awready.

Matthew 13:7

Odda seed, dey fall down inside da kine bushes wit stickas. Da bushes grow an choke da plants.

Rome 14:2

Get some peopo, dey trus God, an dey stay shua dat dey can eat any kine, meat o watevas. Get odda peopo dat no stay strong fo trus God, an dey no eat meat, ony vegable kine stuff.

Hebrews 6:8

But if dat groun grow ony da kine bushes wit stickas an junk kine stuff, dat land no good! Bumbye God tell, “Wipe um out an burn um up!”

Joshua 23:13

den fo shua yoa God, Da One In Charge, no goin take away dea property from dose nations, in front you guys. Dey goin come one trap fo you guys. Dey goin whip yoa sides, an poke thorns inside yoa eyes, till you guys come wipe out inside dis good land dat yoa God, Da One In Charge, wen give you guys.