Start 3:15 - Hawaii Pidgin Bible

¹⁵ From now on, you an da wahine, I goin make you guys stay agains each odda. Yoa kids an her kids, Dey goin stay agains each odda too. One a dem goin wack yoa head, An you goin bite him on da heel a his feet!”

Start 3:15 ပူးပေါင်းရင်းမြစ်များ

Start 49:17

Dan goin be jalike one snake dat stay nea da road, Jalike one snake wit poison dat stay nex to da trail Fo bite da horses feets Fo make da guy on top da horse fall down.”

Songs 132:11

Befo time, Da One In Charge Make one strong promise to David, Da kine promise you can trus, An God no goin change his mind. He tell: “I goin put one king Dat goin come from you, David, On top da throne, Jalike wen you was in charge.

Isaiah 53:12

Az why I goin give him his share, Same ting jalike I goin give plenny odda peopo. He goin be jalike one a da strong army guys Dat bring back plenny stuffs from one war An give all da peopo dea share. Cuz he let da peopo kill him, An even count him Jalike he one a da peopo dat go agains me. Him, da one take da blame fo plenny peopo, An pray fo da peopo dat stay go agains me.”

Isaiah 7:14

Cuz a dat, my Boss goin give you guys one sign. Dis da sign: goin get one young wahine dat neva sleep wit one guy, but layta she goin come hapai, an bumbye dat wahine goin born one boy. She goin call him ‘Immanuel,’ dat mean, ‘God stay wit us guys.’

Jeremiah 31:22

How long you guys goin wait An donno wea you stay going Befo you make up yoa mind?! You Israel guys jalike da daughtah dat I love, Dat befo time, wen ack Jalike one wahine dat no stay tight wit her husban. Az how me, Da One In Charge, goin do one new ting on top da earth fo change eryting— Jalike if da wahines wen take kea da guys.”

Daniel 9:26

“Afta da sixty-two times seven year, somebody goin kill da one dat God wen pick. He no goin get nobody his side. Goin get one leada dat goin come wit his army. Dey goin wipe out Jerusalem town an da Temple dat stay spesho fo God. Den da end goin come quick, jalike wen one flood come. Goin get war till da end, an erybody goin bag an eryting goin come wipe out.

Amos 9:3

No matta dey go all da way on top Mount Carmel An hide ova dea fo nobody see um, I goin find um an drag um back. No matta dey stay hide from me on da bottom a da ocean, I goin tell da big sea monsta wat fo do An he goin go afta um an bite um.

Micah 5:3

Dass how come Da One In Charge goin bag from da Israel peopo, But ony till da time da leada guy muddah goin born her bebe. Den da odda Israel guys dat still stay prisonas Goin come back togedda an join wit da Israel peopo.

Matthew 1:23

“Lissen up! One young wahine Who neva sleep wit nobody, Goin get hapai. She goin born one boy. Dey goin name him Emmanuel.” (“Emmanuel” mean, “God stay hea now wit us guys.”)

Matthew 1:25

But he neva sleep wit her befo she born her boy. An he name him Jesus.

Matthew 12:34

You guys jalike one snake ohana! You guys no good. How you guys goin talk good wen you guys not good, aah? Wateva stay inside you guys, goin come outa you guys mout.

Matthew 13:38

Da field, dass da world. Da good seed, dass da peopo dat get God fo dea king. Da weeds, dass da peopo dat stay tight wit da Bad Guy, da Devil.

Matthew 23:33

You guys jalike da poison snakes, an you guys come from one snake ohana! You guys tink God da Judge goin let you guys go? No way! You tink you guys not goin go Hell? No way!

Matthew 3:7

Plenny Pharisee guys an Sadducee guys come fo him baptize dem too. He see um, an tell, “Eh you guys! You guys jalike one snake ohana! God had it wit all da bad kine stuff you do. He goin punish you guys fo dat. No way you guys goin get away!

Mark 16:18

Dey even goin pick up snakes wit dea hands. If dey drink poison, no goin hurt dem. Dey goin put dea hands on top da sick peopo, an da sick peopo goin come good.”

Luke 1:76

An you, my boy John, dey goin call you One guy dat talk fo da God Dass Mo Importan Den All Da Odda Gods, Cuz you goin go firs, befo Da One In Charge come, Fo make da roads ready fo him,

Luke 10:19

Lissen! I wen give you guys da powa fo you walk on top snakes an scorpions, an you guys get da powa fo win ova da one dat stay agains us, az Satan. You guys get plenny mo powa den Satan get. An notting goin hurt you guys.

Luke 22:53

Ery day I wen stay inside da open lanai fo da Temple wit you guys, an you guys neva bus me. But dis yoa time. Dis da dark time, wen da Bad Guy Satan get powa fo do his stuff.”

Luke 24:27

An den Jesus teach dem eryting da Bible tell bout him from befo time. He start wit da stuff Moses wen write down inside da Rules, an den all da odda guys dat wen talk fo God, wat dey wen write down.

John 8:44

“You guys come from yoa faddah, da Devil! You guys like do da kine stuff he like do. From da start, he like kill peopo. He no like da trut, cuz no mo notting true inside him. He erytime bulai, cuz dass wat he like do. He da firs guy eva wen bulai, cuz dass how he stay.

Jesus Guys 13:10

“Da Devil, he yoa faddah, an you hate all da stuff dat stay pono! You bulai to da max, an trick all da peopo! Erytime you try change da true stuff dat Da One In Charge teach!

Rome 16:20

God, he da One dat like make us come so notting bodda us. He da One dat goin wipe out da powa Satan get. Pretty soon dat goin happen. I like fo Jesus, Da One In Charge, do plenny good kine stuff fo you guys.

Rome 3:13

Dea mout real haunas jalike one open grave. Dey bulai wit dea mout. Da poison come from inside dea mout, Jalike one snake.

Galatia 4:4

But wen da right time come, God sen his Boy. One wahine born him, an he gotta do wat da Rules tell um fo do.

Efesus 4:8

Dass why da Bible tell dis from befo time, “He go up to da high place. He fight an win, an take plenny prisonas. An he give plenny stuffs to da peopo.”

Colosse 2:15

He take away da powa from all da main spirits an da odda bosses. He shame um in front erybody, jalike da army guys do in da winna parade.

Hebrews 2:18

Jesus, he wen get presha fo do bad kine stuff, but he no do um. An he wen suffa plenny cuz a da presha. Dass why now he help da peopo handle da presha dey get fo do bad kine stuff.

Hebrews 5:7

Wen Jesus stay hea inside da world, he pray real hard, an he cry real loud, cuz he know dat God can take him outa dea fo him no gotta mahke. An God lissen him, cuz Christ all da time show him respeck, an ony do wat God tell um fo do.

1 John 3:10

Dis wat show who God kids an who Satan kids: whoeva no do wat stay pono, dey not God kids. Whoeva no mo love an aloha fo dea braddah an sistah, dey not God kids too!

1 John 3:8

Whoeva stay do bad kine stuff, dey come from da Devil. Cuz from da start, da Devil stay do bad kine stuff. Dass why God Boy wen come by us, fo bus up da bad kine stuff da Devil stay do.

1 John 5:5

Da guy dat stay shua dat Jesus God Boy, az da ony guy dat can stan up agains da bad kine stuff inside da world, an win.

Jesus Show 12:17

So da Dragon come real huhu wit da wahine, an go way fo fight her odda kids. Dass erybody dat do wat God tell um fo do, an tell all da true stuff bout Jesus.

Jesus Show 13:7

He get da powa fo fight one war agains da peopo dat stay spesho fo God, an win, an fo take charge all da ohanas, all da diffren peopos, all da diffren language, an all da countries all ova da world.

Jesus Show 2:10

No sked da stuff you guys goin suffa. You know, da Devil goin set up some a you guys fo go prison, fo try make you guys give up, an you guys goin suffa dea ten days. Hang in dea an trus God, even if dey kill you guys. Cuz I goin give you guys da winna prize—da kine life dass fo real!’

Jesus Show 20:10

Den God throw da Devil dat wen bulai dem, inside da lava lake dat burn wit sulfur. Dass wea befo time God wen throw da Wild Animal an da guy dat tell he one guy dat talk fo God, but he not. Dey goin suffa day time an nite time foeva an eva.