Start 29:6 - Hawaii Pidgin Bible

⁶ Den he tell, “Laban, he stay okay, o wat?” Dey tell um, “Yeah, he stay okay. An look ova dea! Dass Laban daughtah Rachel. She stay bring dea sheeps ova hea.”

Start 29:6 ပူးပေါင်းရင်းမြစ်များ

Start 29:7

Jacob tell, “How come you do dis? Still hot, you know. Mo betta give da sheeps watta an let um go back eat grass. Not da right time yet fo da animals come togedda.”

Start 37:14

Joseph faddah tell um, “Go ova dea. Find out if yoa braddahs stay okay, an if da sheeps an goats stay okay too. Den come back hea an tell me.” So Joseph go from da Hebron Valley all da way Shekem side.

Start 43:27

Joseph aks um if dey stay okay. He tell um, “You guys faddah, da ol guy you wen tell me bout, he okay? He still stay alive, o wat?”

2 Samuel 20:9

Joab tell Amasa, “Howzit, brah?” Den Joab take Amasa by da beard wit his right hand, an make jalike he goin kiss him.

Outa Egypt 18:7

Moses go da boonies fo meet his faddah-in-law. Moses go down in front Jetro, den he give um one hug an one kiss. Moses tell Jetro, “Eh! How you?” Jetro tell Moses, “I okay, how you?” Den dey go inside Jetro tent.

Outa Egypt 2:16

Had one guy dat was pries fo da Midian peopo. He get seven daughtahs. Ery day, da daughtahs go by da puka wea da watta come out. Dey pull up watta outa da puka an fill up da trough fo give watta to dea faddah guy sheeps an goats.

1 Samuel 17:22

David leave da stuff he bring wit da guy dat suppose to watch erybody stuffs, an he run by da place wea da army guys line up fo aks his braddahs if eryting stay good.

1 Samuel 25:5

So he pick ten young guys, an tell um, “Go up country Carmel side by Nabal. Wen you get dea, tell um you my guys, an tell um, ‘Howzit’ fo me, cuz time fo pay up cuz I wen proteck him an his sheeps.