Start 29:2 - Hawaii Pidgin Bible

² Ova dea inside one field, in front him, he see one puka wea da watta come out. Had plenny sheeps stay laying down ova dea, cuz ery day da sheep guys let um drink da watta dat come outa da puka. Had da sheeps from one sheep farma guy one side, an da sheeps from anodda farma da odda side, an da sheeps from anodda farma, da odda side, an three sheep farma guys. But had one big rock stay cova da puka.

Start 29:2 ပူးပေါင်းရင်းမြစ်များ

Start 24:10

Da luna, he take ten camel from da ones da boss get, an all da bestes kine stuffs from his boss fo give gifs fo da wahine ohana. He go ova dea by da Aram peopo Mesopotamia side wit one a da two big rivas one side an da odda big riva da odda side. He go da town wea Abraham braddah Nahor live befo time.

Start 24:11

Bumbye he come nea outside da town, one place wea get puka fo watta. He make his camels go down an res dea. Was late aftanoon time, da time wen da wahines go da puka fo get watta.

Start 24:13

Az why I stay standing hea by da puka wea da watta come out, an da young wahines from dis town stay come out hea fo get watta.

Start 29:3

Da sheep guys, dey erytime wait till all da sheeps come togedda. Den dey push da big rock from on top da puka an let da sheeps go drink. Afta, dey push back da big rock on top da puka.

Songs 23:2

Jalike he bring me fo lay down Wea da choice an sof grass stay, An take me by da calm watta.

Isaiah 49:10

Dey no goin come hungry o thirsty. Da hot an dry sun no goin burn dem. Me, Da One In Charge, da One dat get love an aloha fo dem, I goin give dem chance, An show dem wea fo go, An bring dem wea get pukas fo watta.

John 4:14

But whoeva drink da kine watta I goin give, dey no goin come thirsty no moa. Cuz da kine watta I goin give dem goin come jalike watta dat stay come out all da time. An dat watta goin make dem live to da max foeva!”

John 4:6

Was bout lunch time. Had one puka fo da watta dea, dey call um Jacob Puka. Jesus stay tired cuz he walk long time. His guys go inside town fo buy lunch, an he sit down by da puka. Den one wahine from dat place come fo get watta. Jesus tell her, “You can give me some watta fo drink?”

Jesus Show 7:17

Cuz da Bebe Sheep Guy Dat sit in da middo a da throne, He goin take kea dem Jalike one sheep farma dat take kea his sheeps. He goin bring dem by da puka Fo da watta dat make peopo get life fo real kine. An God goin wipe away all dea tears from dea eyes.”

Local Leadas 5:11

Tink bout wat da guys tell, dat share da watta Wen dey stay nea da watta places. Dey tell how Da One In Charge erytime do wass right, An how da peopo from da small towns Israel side do wass right. “Den da peopo dat stay tight wit Da One In Charge Go down by da gates fo da big town. Dey tell: