Start 27:46 - Hawaii Pidgin Bible

⁴⁶ Den Rebecca tell Isaac, “You know da wahines from aroun hea from da Het ohana? I no like dem! If Jacob marry one a dem wahines from da Het peopo jalike Esau wen do, one local kine wahine from aroun hea, mo betta I mahke!”

Start 27:46 ပူးပေါင်းရင်းမြစ်များ

Start 24:3

I like you make me one strong promise in front Da One In Charge, da God dat stay in charge a da sky an da whole world. Promise an swea to God dat you goin find one wahine fo my boy. But you gotta promise, no go find one Canaan kine wahine from dese peopo aroun hea wea I live.

Start 28:8

Esau see dat his faddah Isaac no like da Canaan wahines.

1 Kings 19:4

But Elijah take one mo day fo go mo inside da boonies. He come by one broom tree an sit down undaneat, an he tell God fo let um mahke. He tell Da One In Charge, “I no can handle no moa! Let me mahke awready! No way I one betta man den my ancesta guys!”

Job 14:13

“I wen like fo you hide me inside da Mahke Peopo Place. An hide me dea till you no stay huhu wit me no moa! I wen like fo you make one time fo me stay dea, An den you no foget me.

Job 7:16

I hate my life! I no like stay alive long time. If I mahke, no bodda me! Cuz my life no mean notting!

Jonah 4:3

You, you Da One In Charge! Kill me now, cuz mo betta I mahke den stay alive!”

Jonah 4:9

God tell Jonah, “So! You tink dass good you stay huhu cuz da plant gone awready?!” Jonah tell um, “Yeah! Az good dat I stay real huhu an like mahke!”

Census 11:15

If dis how you goin make to me, den mo betta kill me right now, if you stay good inside bout me. Cuz I no like see da bad tings dat goin happen to me cuz a wat you make me do!”