Start 27:40 - Hawaii Pidgin Bible

⁴⁰ But you goin need one sword fo fight fo you stay alive, An you goin work fo yoa braddah. Afta, you goin like get outa dea An you goin run way from yoa braddah Fo him no tell you wat you gotta do no moa.”

Start 27:40 ပူးပေါင်းရင်းမြစ်များ

Start 25:23

Da One In Charge tell her, “Get two peopos inside you. Two diffren ohanas goin come from you, An dey goin stay agains each odda erytime. One peopo goin be mo strong den da odda peopo. Da older braddah ohana goin work fo da younga braddah ohana.”

Start 27:29

Plenny odda peopos goin work fo you, Odda nations goin go down in front you fo show respeck. Go come da boss fo all yoa braddah guys. Da odda boys yoa muddah wen born goin go down in front you fo show respeck. Da ones dat tell dey like bad tings happen to you, God goin make bad tings happen fo dem! Da ones dat tell dey like good tings happen fo you, God goin make good tings happen to dem!”

Start 32:6

Da messenja guys go by Esau. Den dey come back by Jacob. Dey tell um, “Us wen go by yoa braddah Esau. He stay come by you now, an he get four hundred odda guys stay come wit him.”

Start 33:9

Esau tell um, “But my braddah, I get plenny stuffs awready. Mo betta you keep all yoa stuffs. Dass fo you.”

2 Samuel 8:14

David put army guys all ova da Edom land. An all da Edom peopo come slaves fo David. Da One In Charge help David guys fo win, ery place dey go.

2 Kings 14:10

Fo shua, you wen win ova da Edom guys, an now you get smart wit me! Let yoa peopo respeck you cuz you wen win, but no come hea ack big! No good you make lidat an lose da war, cuz den you goin mahke, you an da Judah peopo too!”

2 Kings 14:7

Amaziah, he da one wen win ova ten tousan Edom guys inside da Salt Valley. An he take ova dea big town Sela dat time. He call da place Jokteel, an dass da name stay lidat today.

2 Records 21:10

Still yet today, da Edom peopo stay agains da Judah peopo. Da same time, da Libnah peopo fight Judah, cuz Jehoram wen bag from Da One In Charge, da God fo his ancesta guys.

2 Records 21:8

Da time Jehoram stay king, da Edom peopo fight da Judah peopo, an make one guy from da Edom peopo come da Edom king.

2 Records 28:17

Cuz one mo time, da Edom guys wen awready come back an attack da Judah guys, an make um prisonas.

Songs 60:8

Da Moab land, dass jalike da pot I use fo wash hands, Da Edom land, Jalike I throw my slippas ova dem Fo show I take um ova awready. Wen I take ova da Filisha land, I goin yell cuz I da winna!”

Matthew 10:34

“No tink dat I come hea to dis world fo make shua erybody come frenz an no fight. I no come hea fo do dat, but fo make peopo turn agains each odda an fight!