Start 27:35 - Hawaii Pidgin Bible

³⁵ But Isaac tell um, “No can! Yoa braddah was hea an he wen trick me. Az how he wen take away da spesho ting God like do fo you!”

Start 27:35 ပူးပေါင်းရင်းမြစ်များ

Start 27:33

Isaac, he shake all ova an come real sked. He tell, “Den, who da odda guy dat wen hunt wild meat an bring um by me? I awready eat all dat meat befo you wen come hea, you know. An den, I wen do someting spesho fo him an tell all da good tings dat I like Da One In Charge do fo him bumbye! An wat wen happen in dis spesho ceremony gotta stay lidat foeva! Az ony fo him.”

Start 29:25

Morning time come, an Jacob wake up. He see was Leah wit him, not Rachel! Jacob tell Laban, “Wassup?! Wat you wen do to me! I work fo you seven year fo me marry Rachel! How come you trick me lidat?!”

2 Kings 10:19

Now go tell all da guys dat talk fo Baal, all da guys dat do stuff fo him, an all his pries guys, fo come hea by me. Make shua erybody come. Cuz I goin make one big sacrifice fo Baal. Anybody no come, dey no goin live no moa.” But Jehu ony was making one sly kine plan fo wipe out da guys dat work fo Baal.

Job 13:7

You guys tink you goin help God Wen you tell stuff dass not right, o wat?! You guys goin bulai fo God, o wat?!

Jeremiah 9:4

Da One In Charge tell, “You guys betta watch out fo yoa frenz! No trus yoa braddah guys. Cuz ery braddah like take away da rights from da odda braddahs. An ery fren, dey like talk bad bout you.

Malakai 2:10

You no tink all us guys get da same faddah, o wat?! You no tink da one God wen make us guys?! How come all us guys ack So not even oua braddah trus us?! So! How come we ack jalike da deal pilau Dat God wen make wit oua ancesta guys?!

2 Corint 4:7

Us guys get plenny rich kine stuff from God inside us, no matta us jus regula kine peopo. Dass fo show dat da fo real powa come from God, an az not from us guys. Dass jalike wen somebody get rich kine stuff inside cheap kine dishes.

1 Tessalonika 4:6

Az why fo all dis kine stuff bout da guys an da wahines, you guys betta not go buckaloose an cheat yoa braddah o sistah. Cuz Da One In Charge, he goin punish you guys if you do dat kine bad kine stuff. Dass jalike we wen tell you guys befo time. We wen tell you guys fo real kine, “You guys betta not fool aroun nobody!”