Start 25:8 - Hawaii Pidgin Bible

⁸ Abraham get eryting he like, an he feel good inside. He live uku plenny year an he stay good inside. Den he mahke. He go da same place his ancesta guys wen go.

Start 25:8 ပူးပေါင်းရင်းမြစ်များ

Start 15:15

But befo all dat happen, you goin be mahke an bury awready wen you real ol. You goin go wea yoa ancesta guys stay dat wen mahke awready, an all dis no goin bodda you.

Start 25:17

Da places wea da Ishmael boys go fo live start from Havilah an go all da way to Shur nea da Egypt land, wea you go Ashur side. But Ishmael, he live da east side a all his ohana guys. Dass da Ishmael story, how was da time Ishmael live. He live 137 year. Den he mahke an he go da same place his ancesta guys wen go.

Start 25:7

Dass da story bout wat wen happen da time Abraham stay alive. He live 175 year.

Start 35:18

Rachel stay litto mo mahke. But jus befo she mahke, she give da bebe da name Ben-Oni, dat mean “Da Boy Dat Make Me Cry Jalike Funeral Time,” dea language. But Jacob, da faddah, he give um da name Benjamin, dat mean “Da Boy Dat Spesho Fo Me,” dea language.

Start 37:35

All Jacob odda kids, guys an wahines, go by him fo try help um come good inside. But he no like lissen dem. He tell, “No way. Bumbye wen I go down da Mahke Peopo Place, I still goin stay cry fo my boy.” An he stay sad inside lidat, long time.

Start 49:29

Den Israel tell his boys wat dey gotta do wen he mahke. He tell, “Pretty soon, I goin mahke an go meet my peopo. Bury me da place wea my ancesta guys stay, ova dea inside da cave inside da piece land dat Efron da Het guy had,

Start 49:33

Afta Jacob pau tell his boys wat dey gotta do, he pull his feets inside da bed. Den he breave da las time an mahke, an he go meet his peopo from befo time.

Start 50:13

Da boys carry his body an bury him inside da cave dat stay inside da Makpelah field wea can see Mamre, Canaan land. Dass da same field dat Abraham wen buy from Efron da Het guy fo bury his peopo dea.

1 Records 23:1

Wen David come real ol, he make his boy Solomon come da king ova da Israel peopo.

1 Records 29:28

He stay alive long time. He stay rich an get plenny respeck. An he mahke wen he real ol. His boy Solomon come king afta him.

2 Records 24:15

Jehoiada, he come plenny ol. He mahke wen he one hundred thirty year ol.

Job 41:32

He leave one shining trail in back a him. Make you tink da deep watta get white hair.

Job 42:17

Dass how Job mahke. He get good life fo long time.

Job 5:26

Wen you mahke, you still goin be strong, Jalike peopo harves food da bestes time, An bring um in fo keep um.

Smart Guys 20:29

How come erybody like young peopo? Cuz dey strong, az why. An how come erybody tink Ol peopo wit gray hair awesome? Cuz dey know how fo live, az why.

Jeremiah 6:11

But you Da One In Charge, An you tell ‘Laytas’ to wat dey do, An I feel da same ting! Az why I gotta tell someting!” Da One In Charge tell me: “Tell erybody I stay huhu wit dem! Jalike you stay dumping watta all ova da place! Tell da kids in da street, An da young guys dat hang out togedda! Tell da husbans an wifes, Even da real ol peopo too!

Census 20:24

“Aaron goin mahke hea. He no goin go inside da land I give da Israel peopo, cuz you two guys wen go agains wat I wen tell you fo do, bout da watta Meribah side.

Census 27:13

Afta you see da land, you goin mahke an go by yoa mahke peopo, jalike yoa braddah Aaron.

Jesus Guys 12:23

But King Herod neva tell notting. So right den an dea, cuz Herod no talk good bout God an tell um “Mahalo plenny!” one angel guy from Da One In Charge wack him, an he get worms dat eat up his inside an he mahke.

Jesus Guys 13:36

“David, he work fo do wat God like him fo do wen he stay alive, an den he mahke. Dey bury him wit his ancesta guys, an his body come rotten.

Jesus Guys 5:10

Right den an dea Safira fall down mahke by Peter feets. Wen da young guys come back inside, dey see her dea mahke, an dey carry her outside an bury her by her husban.

Jesus Guys 5:5

Wen Ananias hear dat, he fall down mahke. An erybody dat hear bout um come real sked.

Rules Secon Time 32:50

Afta you climb up da top a dat mountain, you goin mahke an go back by yoa ancesta guys, jalike yoa braddah Aaron wen mahke on top Mount Hor an go back by his ancesta guys.

Local Leadas 2:10

Afta all da peopo dat stay alive dat time mahke, dea kids grow up. But dey donno Da One In Charge, an donno wat he wen do fo da Israel peopo.

Local Leadas 8:32

Gideon, Joash boy, mahke wen he stay real ol. Dey bury him inside his faddah Joash tomb inside Ofrah town wea da Abiezer ohana peopo live.