Start 25:26 - Hawaii Pidgin Bible

²⁶ Afta dat, da odda braddah come out. He stay holding Esau heel wit his hand. Dass how come he get da name Jacob, cuz soun kinda like “grab heel,” dea language, an soun kinda like “take ova” too. Wen da boys wen born, Isaac 60 year ol.

Start 25:26 ပူးပေါင်းရင်းမြစ်များ

Start 21:5

Da time Isaac born, Abraham hundred year ol awready.

Start 25:20

Wen Isaac was 40 year ol, he marry Rebecca. Her faddah, Betuel da Aram guy from Paddan-Aram. Rebecca get one braddah, Laban da Aram guy.

Start 27:36

Esau tell, “Az right! You wen give him da name Jacob, dat soun kinda like ‘take ova.’ Az why now, he take ova wass mines two time awready! Firs time, he take away da rights fo get yoa stuffs afta you mahke, dat I get cuz I yoa numba one boy. Dis time, he take away from me da ting you wen tell, bout all da good tings dat you like Da One In Charge do fo yoa older boy bumbye!” Den Esau tell, “But fo shua, still get odda tings dat you can tell Da One In Charge fo do fo me bumbye, aah?”

Start 35:28

Isaac, he live 180 year.

1 Records 1:34

Abraham da faddah fo Isaac. Isaac boys: Esau an Israel.

Hosea 12:3

Wen Jacob wen stay inside his muddah, He grab his braddah heel. An wen he grow up, he wresso wit God.

Hosea 12:4

Jacob wen wresso wit one angel guy an win! Den he cry an beg da angel fo do someting good fo him. Laytas, Jacob find God Bethel side. An talk wit him ova dea.

Malakai 1:2

Da One In Charge tell dis to you guys: “I get love an aloha fo you Israel guys.” But you guys tell God, “Eh! How you wen show you get love an aloha fo us guys?!” Dis wat Da One In Charge tell: “You guys know Jacob, yoa ancesta? He get one braddah Esau, aah? But da peopo dat come from Jacob, da Israel peopo, dey da ones I get love an aloha fo!

Census 20:14

From Kadesh, Moses sen messenja guys by da king fo da Edom peopo. He tell, “Dis wat yoa braddah Israel tell: You know bout all da hard time us guys wen suffa.

Jesus Guys 7:8

Den God make one deal wit Abraham dat dey goin cut skin dea guys fo show dat dey God peopo. Den Abraham get Isaac his boy, an cut skin him eight days afta he born. Laytas, Isaac get Jacob fo his boy, an den Jacob get twelve boys. Dem twelve guys come da main faddahs an leadas fo da twelve ohanas fo da Israel peopo.

Rules Secon Time 23:8

Da Edom an da Egypt peopo grankids can come togedda wit da peopo a Da One In Charge.

Joshua 24:4

an to Isaac I give Jacob an Esau. I give da Seir Range to Esau, but Jacob an his boys go down Egypt side.