Start 25:21 - Hawaii Pidgin Bible

²¹ One time Isaac pray to Da One In Charge fo give his wife Rebecca one bebe, cuz she no mo bebe yet. Da One In Charge lissen wat Isaac wen pray. Den his wife Rebecca come hapai.

Start 25:21 ပူးပေါင်းရင်းမြစ်များ

Start 11:30

Sarai, Abram wife, she no can born kids.

Start 16:2

Sarai tell Abram, “You know, God neva let me born kids. So den, get dis custom, you go sleep wit my slave wahine Hagar fo her born kids fo me hanai dem. Maybe dass da way I can get one boy from her, an start one ohana fo you.” Abram tell Sarai, “Shoots.”

Start 30:22

Den God wen tink bout Rachel. God lissen, an make her fo her born bebe too.

1 Records 5:20

God help dem fight, an give dem da Hagar peopo an all dea frenz, cuz dey wen call out to God wen dey stay fight. He do wat dey tell him fo do, cuz dey trus him.

2 Records 33:13

Wen Manasseh pray to God lidat, Da One In Charge lissen wat Manasseh tell um fo do. So Da One In Charge bring him back Jerusalem side fo come king one mo time. Den Manasseh tell dat he know fo shua dat ony Da One In Charge, him da real God.

Ezra 8:23

Dass why us guys skip food fo us pray. We aks God plenny fo take kea us guys. An he lissen an he take kea us.

Songs 127:3

You know wat? Da One In Charge Give peopo kids, Jalike dey one gif from him. Da ones born from you, Az jalike he give you someting good.

Songs 145:19

Fo da peopo dat feel jalike dey sked Wen dey in front Da One In Charge, He do da ting dass Da bestes ting fo dem. Wen dey yell fo him help dem, he lissen, An he get um outa trouble.

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Songs 65:2

You, da one dat lissen wen us guys pray. Az why all da peopo Goin come by you.

Songs 91:15

Any time he get trouble, He can yell to me Da One In Charge fo help him. I goin lissen him, I goin be dea Fo make shua notting hurt him, An I goin make shua erybody know he importan.

Smart Guys 10:24

Da bad guys, da worses ting dat dey tink can happen to dem, Dass wat goin happen. Da guys dat stay do da right ting, da ting dey like da mostes, Dass wat dey goin get.

Isaiah 45:11

Dis one message from Da One In Charge, Da Good An Spesho One fo da Israel peopo, Da One wen make dem. Dis wat he tell: “Bout tings dat goin happen bumbye, You tink you can aks me bout my kids?! No way! You tink you goin tell me how fo make Da stuff I make?! Not even!

Isaiah 58:9

Den you guys goin call, An Da One In Charge goin hear dat an do someting. You guys goin yell fo help, An he goin tell, ‘I stay right hea!’ “But firs, you guys betta not give da odda guys hard time, Jalike you stay tie da yoke on top da cows! You guys betta not poin finga da odda guys, an no talk bad no moa!

Isaiah 65:24

Befo dey yell fo help, I help um. Wen dey still stay talking, I hear dem awready.

Luke 1:13

But da angel guy tell, “No sked, Zekariah! God wen hear wat you tell, an yoa wife Elizabet goin born one boy. You goin name um John.

Luke 1:7

Dey no mo kids cuz Elizabet no can. Her an Zekariah stay ol now.

1 Samuel 1:11

Hannah make one strong promise to God. She tell, “Eh, you Da One In Charge, Da God Ova All Da Armies, You awesome! An I yoa slave! You know how plenny I stay suffa. So I like fo you no foget me! Take kea me! You my boss, az why. If you give me one boy bebe, I make dis promise: I goin hanai him ony fo you. An jus fo show dat he goin be yoa boy foeva, Nobody goin shave his head, eva!”

1 Samuel 1:17

Eli tell her, “Go den, an I like eryting stay good fo you. An I pray dat God, da God fo da Israel peopo, goin give you wat you wen aks him fo give you.”

1 Samuel 1:2

Elkanah get two wifes—Hannah an Peninnah. Peninnah get kids, but Hannah no moa.

1 Samuel 1:27

I wen pray to Da One In Charge fo give me dis boy, an Da One In Charge give me wat I aks fo.