Start 24:63 - Hawaii Pidgin Bible

⁶³ Wen da sun stay going down, Isaac go fo one walk inside da countryside. He look, an he spock some camels stay coming.

Start 24:63 ပူးပေါင်းရင်းမြစ်များ

Start 18:2

Abraham look outside. Right den an dea, he see three guys stay standing nea da tent. Wen he see um, he run outside from da tent fo tell um “Aloha!” Den he go down an he go put his face on top da groun in front dem fo show dem respeck.

Start 24:64

Rebecca look same time, an she spock da guy Isaac. She come down quick from on top da camel.

Songs 1:2

Dose guys dat not like da bad guys, Dey stay good inside, Cuz dey follow da Rules From Da One In Charge. Day time o nite time, Dey read da Rules From Da One In Charge, An tink bout um plenny.

Songs 104:34

Wen I tell him da tings I tink bout, I like him tink, “Dass good!” I goin stay real good inside Cuz I stay tight wit Da One In Charge!

Songs 119:15

I like tink ova an ova bout da tings You tell me fo do. I like tink plenny bout All da diffren ways you do stuff.

Songs 119:27

Make me undastan How fo live da way you tell me fo live. Fo me tink plenny Bout da awesome kine tings You stay do.

Songs 119:48

I put my hands up Fo show love an aloha Fo da tings you tell me fo do. I tink plenny bout dat kine stuff.

Songs 145:5

I goin tink plenny Bout how awesome you stay, Az why I get choke respeck fo you! I goin tink plenny bout da awesome tings you do!

Joshua 1:8

Read dis Book fo erybody hear um, cuz dat teach you guys my Rules. Tink bout um day time an nite time fo make shua you do eryting dat stay inside da Book. Den eryting you do goin come out real good.