Start 24:26 - Hawaii Pidgin Bible

²⁶ Da luna guy go down on top da groun fo show respeck fo Da One In Charge.

Start 24:26 ပူးပေါင်းရင်းမြစ်များ

Start 22:5

Abraham tell his worka guys, “Kay den. You guys, stay wait hea wit da donkey. Me an my boy, we goin go ova dea. Dass da place we goin go down in front God fo show him love an respeck. Den, we come back by you guys.”

Start 24:25

He get plenny food fo da animals oua house too, an get room fo all you guys fo sleep ova dea tonite.”

Start 24:48

I go down on top da groun fo show respeck fo Da One In Charge, da God fo my boss Abraham. I tell Da One In Charge dat he do one real good ting fo me, cuz he bring me da right way fo find my boss braddah guy fo take his grandaughta fo come da wife fo Abraham boy.

Start 24:52

Wen da luna guy fo Abraham hear wat dey tell, he go down on top da groun fo show love an respeck fo Da One In Charge.

1 Records 29:20

Den David tell all da peopo, “Tell yoa God, Da One In Charge, ‘Mahalo plenny!’ Cuz he do good tings fo you guys!” So all da peopo dat come togedda dea, tell “Mahalo!” to Da One In Charge, da God dea ancesta guys wen pray to, cuz he do good tings fo dem. An dey go down an put dea face on top da groun fo show love an respeck fo Da One In Charge an da king.

2 Records 20:18

Jehoshafat go down an put his face on top da groun, an all da Judah an Jerusalem peopo go down too fo show love an respeck in front Da One In Charge.

2 Records 29:30

King Hezekiah an his leada guys tell da Levi guys fo tell good tings bout Da One In Charge, an use da words dat David an Asaf, da guy dat can see wass goin happen, wen use. Az why dey sing bout how good Da One In Charge stay, till dey stay good inside. An dey bow dea head an go down fo show love an respeck fo Da One In Charge.

Nehemiah 8:6

Den Ezra talk to Da One In Charge, da awesome God. Ezra tell God “Mahalo,” cuz he do all kine good tings fo da peopo. All da peopo put up dea hands an tell, “Dass it!” Den dey go down an put dea face on top da groun fo show love an respeck fo God.

Songs 22:29

Fo shua, da peopo all ova da world dat get plenny stuff, I like dey go down in front Da One In Charge Fo show him love an respeck. I like all da peopo go down on top dea knees in front Da One In Charge An all da ones dat goin go down inside dea grave, Cuz dey no can make shua dey goin stay alive.

Songs 66:4

Peopo all ova da world Go down in front you Fo show you love an respeck! Dey sing bout you Cuz dey know wat kine god you.” (Time out fo da music.)

Songs 72:9

I like fo da peopo dat live Wea no mo watta Go down on top dea knees In front him. I like fo da ones dat stay agains him Eat dirt!

Songs 95:6

Eh come! We go down In front Da One In Charge, We go down in front da One Dat wen make us guys.

Outa Egypt 12:27

You guys goin tell um, ‘Dis da Passova Sacrifice. We stay make um fo show we stay tight wit Da One In Charge. He da one wen pass ova all da houses wea oua Israel peopo live befo time, Egypt side. Da One In Charge wen wack da Egypt peopo an kill um, but he neva touch us guys, ova dea inside oua houses.’ ” Wen da peopo hea wat Moses tell um, dey go down on top da groun fo show love an respeck fo Da One In Charge.

Outa Egypt 34:8

Moses go down on top da groun real fas fo show God love an respeck.

Outa Egypt 4:31

Wen da peopo see dat, dey trus Moses. Now dey know dat Da One In Charge see how plenny dey suffa, an dat he start fo do good tings fo da Israel peopo. Right den an dea dey go down on dea knees fo show God love an respeck.

Micah 6:6

Den da peopo tell: “Fo make tings right, Wat I can bring fo Da One In Charge Wen I go in front him? Wen I go down fo show respeck Fo da God Up Dea Inside Da Sky? I goin bring bebe cows one year ol, Fo make burn up kine sacrifice, o wat?

Philippi 2:10

So erybody, wen dey find out wat kine guy Jesus, Dey goin go down on dea knees in front him. Erybody up dea inside da sky, An all ova da world, An undaneat da groun!

Local Leadas 7:15

Wen Gideon hear da dream, an wat dat mean, he go down in front God. He go back by da Israel camp, an yell, “Get up! Cuz Da One In Charge goin make you guys win ova da Midian guys!”

1 Samuel 1:28

So now, I goin hanai him to Da One In Charge, jalike I wen make one promise fo do. As long as he live, aah? he goin be fo Da One In Charge.” Den Hannah an Elkanah, dey show love an respeck fo Da One In Charge ova dea.