Start 24:15 - Hawaii Pidgin Bible

¹⁵ Right den an dea, befo da luna guy pau talk to God, Rebecca come outa da town. She stay carrying one watta pot on top her shoulda. (Her faddah, Betuel. Her granfaddah, Nahor, az Abraham braddah. Nahor wife, Milkah, an Betuel dea boy.)

Start 24:15 ပူးပေါင်းရင်းမြစ်များ

Start 11:27

Dis da Terah ohana story. Terah, he get da three boys, Abram, Nahor, an Haran. Haran born one boy, Lot.

Start 11:29

Bumbye, Abram an Nahor find wahines an get married. Abram, he marry one wahine, Sarai. Nahor, he marry one wahine. Milkah, da daughtah a his braddah Haran, da guy dat wen mahke awready. She get anodda sistah name Iskah.

Start 21:14

Abraham wake up early da nex morning fo get food an one goat skin all sew up fo carry watta. He give um to Hagar, an help her put da food an da watta on top her back an da boy back. Den, he make her an da boy go way from dea. Hagar an da boy go to da boonies Beer-Sheba side, an dey go hea an dea but dey neva know wea dey goin go.

Start 24:14

I goin tell one a da wahines, ‘Try give me litto bit watta fo drink outa yoa watta pot.’ An if she tell, ‘Shoots, drink up, an I give you watta fo da camels too,’ den let dat one be da wahine dat you pick fo come da wife fo yoa guy Isaac. If she do dat, dass how I goin know dat she da one, an dat you stay tight wit my boss guy Abraham, cuz you an him get one deal.”

Start 24:24

Rebecca tell him, “Me, I Betuel daughtah. His faddah Nahor, an his muddah Milkah.

Start 24:45

“Befo I pau tell all dis dat stay inside me, right den an dea come Rebecca outside da town wit her watta pot on top her shoulda. She go down inside wea get da puka an fill up da watta pot. Den I tell her, ‘Try give me watta.’

Start 25:20

Wen Isaac was 40 year ol, he marry Rebecca. Her faddah, Betuel da Aram guy from Paddan-Aram. Rebecca get one braddah, Laban da Aram guy.

Start 29:5

He tell um, “So, you guys know Laban? Nahor grankid?” Dey tell, “Yeah, we know um.”

Start 29:9

Jacob an da guys still stay talking, an Rachel come dea wit all her faddah sheeps, cuz she da one take kea da sheeps fo her faddah.

Songs 34:15

Da One In Charge, he keep track A da peopo dat erytime do wass right Fo take kea dem. He lissen dem Wen dey yell to him.

Songs 65:2

You, da one dat lissen wen us guys pray. Az why all da peopo Goin come by you.

Outa Egypt 2:16

Had one guy dat was pries fo da Midian peopo. He get seven daughtahs. Ery day, da daughtahs go by da puka wea da watta come out. Dey pull up watta outa da puka an fill up da trough fo give watta to dea faddah guy sheeps an goats.

Smart Guys 31:27

She watch eryting dat stay go on inside her house, Fo make shua eryting stay good. She no suffa jalike da lazy kine peopo.

Isaiah 58:9

Den you guys goin call, An Da One In Charge goin hear dat an do someting. You guys goin yell fo help, An he goin tell, ‘I stay right hea!’ “But firs, you guys betta not give da odda guys hard time, Jalike you stay tie da yoke on top da cows! You guys betta not poin finga da odda guys, an no talk bad no moa!

Isaiah 65:24

Befo dey yell fo help, I help um. Wen dey still stay talking, I hear dem awready.

Ruth 2:17

All day, Ruth pick up da extra barley. Wen da sun stay go down, she wack da barley dat she wen pick up fo make da part you eat fall off, an she pick up bout twenny poun barley.

Ruth 2:2

One time, da Moab wahine Ruth tell Naomi, “Eh, try let me go da fields fo go behind da worka guys an pick up da extra barley dat dey no pick up. Maybe get somebody dat make nice to me an let me do dat, cuz da Rules from God tell az good.” Naomi tell her, “Kay den. Go.”

1 Samuel 9:11

Wen dey stay go up da hill to da town, dey meet some girls dat come out fo get watta from one well. Saul guys tell dem, “Da guy dat can see wass goin happen, he stay, o wat?”