Start 22:8 - Hawaii Pidgin Bible

⁸ Abraham tell um, “My boy, God da One goin see wat we need an give da sheep fo da sacrifice.” Den dey go some mo togedda.

Start 22:8 ပူးပေါင်းရင်းမြစ်များ

Start 18:14

Eh! Me, Da One In Charge! You tink get stuff too hard fo me do um, o wat? I goin come back by you same time nex year, an Sarah goin get one bebe boy.”

Start 22:14

Abraham give dat place da name Da One In Charge See Um. Dass mean, “Da One In Charge See Wat I Need An Give Me Dat.” Nowdays peopo still yet tell: “On top da mountain wea Da One In Charge stay, God see wat we need an give us dat.”

Start 22:7

Afta dey go litto bit, Isaac, he tell: “Eh Daddy!” Abraham tell, “Yeah, my boy?” Isaac tell, “Eh look! Get da stuff fo make da fire, an get da wood fo burn. But wea da sheep fo make da sacrifice?”

Start 22:9

Den dey come da place God tell Abraham fo go. Abraham pile up rocks ova dea fo burn up da sacrifice on top. He put da wood on top da altar. Den he go tie up his boy Isaac an put him on top da altar, on top da wood.

2 Kings 2:6

Den Elijah tell Elisha, “You, stay ova hea. Cuz Da One In Charge tell me now fo go da Jordan Riva.” An Elisha tell, “Jalike fo shua Da One In Charge stay alive an you stay alive, I shua dat I no goin leave you.” So da two guys hele on.

2 Records 25:9

Amaziah aks da guy dat stay tight wit God, “But I wen pay da Israel guys 7,500 poun silva awready! Wat bout dat?” Da guy dat stay tight wit God tell, “Da One In Charge, he can give you plenny mo den dat!”

Matthew 19:26

Jesus look strait at dem, an tell, “No mo nobody dat can do um, but ony God, he da One dat can do um.”

John 1:29

Da nex day John spock Jesus stay coming by him, an he tell, “Eh, you guys, try look da guy ova dea! You know wat? He jalike God bebe sheep fo da sacrifice. He hemo da shame fo da bad kine stuff dat erybody inside da whole world stay do!

John 1:36

Wen John spock Jesus stay walk by him, he tell, “Look! Dis guy jalike God bebe sheep fo da sacrifice.”

Jesus Show 13:8

Erybody on top da earth goin go down an pray to da Wild Animal. Ony da peopo dat get dea name inside da Book Dat Tell Who Get Da Kine Life Dat Come From God, dey no goin go down an pray to da Wild Animal. Az cuz dey da peopo dat stay tight wit God Bebe Sheep Guy. From da time wen God make da world, God make one plan fo let da peopo kill his Bebe Sheep Guy.

Jesus Show 5:12

Dey sing wit one loud voice: “Dey wen kill God Bebe Sheep Guy Jalike one sacrifice. So he get da right fo get all kine powa, An rich kine stuffs, An fo know wat fo do erytime, An fo be real strong! He get da right fo erybody show respeck to him, An tell how awesome he stay, An tell him he get one good heart cuz he give us eryting!”

Jesus Show 5:6

Den, jalike one dream, I look, an I see da Bebe Sheep Guy. Look jalike somebody kill him awready. He stan on top da throne, in da middo. All aroun him get da four tings dat stay alive an go ery place God go, an da older leada guys. He get seven horn an seven eye. Da horns an da eyes, dass da seven spirits from God dat he sen all ova da world.

Jesus Show 7:14

I tell him, “Mista, I donno. But you know!” He tell, “Dis all da peopo dat come out from da big trouble. Da Bebe Sheep Guy, he make um clean inside, cuz he wen bleed an mahke fo dem. Dey all clean inside, jalike wen peopo wash dea clotheses clean, an make um come white.