Start 22:1 - Hawaii Pidgin Bible

¹ Long time afta, God tes Abraham. He tell um, “Eh Abraham!” Abraham tell, “Yeah, I stay hea.”

Start 22:1 ပူးပေါင်းရင်းမြစ်များ

Start 15:1

Afta Abram get Lot outa trouble, anodda ting happen. Abram see someting jalike in one dream, but he not sleeping. God, Da One In Charge, tell um dis: “No sked, Abram! I no goin let nobody hurt you. I jalike one shield fo you. I goin be yoa God An pay you plenny bumbye!”

Start 21:11

Dat wen bodda Abraham plenny, da ting Sarah wen tell. Cuz Ishmael his boy too.

Start 22:11

Right den an dea one angel messenja guy from Da One In Charge yell to him from da air, “Hui! Abraham!” Abraham tell um, “Yeah! I stay hea.”

Start 22:7

Afta dey go litto bit, Isaac, he tell: “Eh Daddy!” Abraham tell, “Yeah, my boy?” Isaac tell, “Eh look! Get da stuff fo make da fire, an get da wood fo burn. But wea da sheep fo make da sacrifice?”

Start 37:13

Israel tell his boy Joseph, “Eh! Yoa braddah guys, dey all stay Shekem side, you know, fo take kea da sheeps an goats ova dea. I like you go ova dea by dem.” Joseph tell, “Okay.”

Start 46:2

Nite time, Jacob no go sleep yet. He see someting jalike one dream, dat God stay talk to him. God tell, “Hui Jacob! Jacob!” Jacob tell um, “Yeah? Wat?! Dis me!”

2 Samuel 24:1

Anodda time, Da One In Charge come huhu wit da Israel peopo. So den he make David stay agains dem too. Da One In Charge tell, “Go count da Israel an Judah guys.”

2 Records 32:31

But layta, get messenja guys come from da Babylon leada guys. Dey come inside da land fo aks Hezekiah bout da awesome sign he wen get dat he goin come good. Dat time, God go way from Hezekiah fo tes him, fo find out eryting Hezekiah tink bout fo real kine.

Songs 11:5

Da One In Charge, he look good on da peopo dat do wass right, An on da peopo dat do real bad kine stuff too. Deep inside, he hate da peopo Dat like bus up odda peopo.

Outa Egypt 16:4

Da One In Charge tell Moses, “You know wat I goin do? I goin make bread come down outa da sky fo you guys jalike rain. Ery day, da peopo goin go out an pick up food from da groun. Dey gotta ony pick up enuff fo dat day. Dass fo check out da peopo, fo find out if dey goin stay do how I teach um fo do, o not.

Outa Egypt 3:4

Da One In Charge see dat Moses go way from da trail fo go look. God call Moses from inside da bush, “Hui! Moses! Moses!” Moses tell, “Yeah! Dass me!”

Smart Guys 17:3

Fo find out if silva an gold, good o no good, Gotta melt um on top da fire. But Da One In Charge, he da One Tell how peopo tink.

Isaiah 6:8

Den I hear my Boss tell, “Who I can sen? Who goin go fo us?” An I tell, “Me, I can go, Sen me.”

1 Corint 10:13

Wen you guys get chance fo do da bad kine stuff, dass da same ting, jalike wat happen to all da odda peopo. But you know, you guys can trus God fo do wat he tell he goin do. He no goin let you guys get mo plenny presha den you guys can handle. Erytime get presha lidat, God goin make um fo you guys get outa dat. He goin make you guys strong fo handle da presha fo you no fall down.

Rules Secon Time 13:3

If dass how dey talk, den you guys betta not lissen dat talka guy o da guy dat dream. Cuz yoa God, Da One In Charge, he da One stay tes you fo find out if az fo real you get love an aloha fo him wit eryting inside, wit how you feel, an wit how you tink.

Rules Secon Time 8:16

He da One give you guys manna fo eat inside da boonies. Yoa ancesta guys neva see o know wat was manna befo time. He give um to you guys fo make you guys no come big head, an tes you guys fo find out how you guys goin ack. Az how bumbye he goin make eryting come good fo you guys.

Rules Secon Time 8:2

No foget how oua God, dass Da One In Charge a us, wen bring you guys all da way inside da boonies fo forty year. He do dat so you guys no mo big head, an fo tes you guys fo find out how you guys tink, if you guys goin do wat he tell you guys fo do, o not.

Hebrews 11:17

Abraham, he wen trus God da time God wen tes him. He wen like give up his boy Isaac fo make him come one sacrifice. Befo time, God wen make one promise to Abraham bout dat boy. God tell um befo time, “You goin get plenny ohana, an Isaac, he goin be da one dey goin come from.” Dass why Isaac was da ony boy dat Abraham wen call his boy fo real kine. An dass da one Abraham was making ready fo be da sacrifice.

James 2:21

“Abraham, da ancesta guy dat all us Jew guys come from, he wen do wat God tell him fo do wen he put his boy Isaac on top da altar fo make one sacrifice to God. Az why God tell, ‘Dis guy, he get um right wit me.’

1 Peter 1:7

All dis happen fo erybody see dat you guys trus God fo real. Jalike dey put gold inside da fire fo wipe out all da junk stuff. Dass how come you guys suffa now. Dass fo wipe out all da junks you guys get inside, an fo show erybody dat you guys trus God fo real. All dat mo betta den gold. Cuz bumbye wen Jesus Christ come back, da peopo goin tell how awesome he stay, an dey goin get plenny respeck fo him.

Local Leadas 2:22

I goin use dose peopos fo tes da Israel peopo. Dass how I goin find out if dey goin stay tight wit me, Da One In Charge, an live how I tell um fo live, jalike dea ancesta guys wen do, o wat?”

1 Samuel 3:4

Den, Da One In Charge call, “Eh! Samuel!” Samuel tell, “I stay hea! Dis me!”