Start 21:8 - Hawaii Pidgin Bible

⁸ Da boy Isaac come mo big, an his muddah pau breas feed him. Abraham make one big bebe luau fo Isaac, da time his muddah pau breas feed him.

Start 21:8 ပူးပေါင်းရင်းမြစ်များ

Start 19:3

But Lot tell um, “No way! You guys gotta stay my house!” So dey go wit him his house. Lot tell his peopo fo make good kine food, an fo make da kine bread dat no mo yeast fo dem. Den dey eat.

Start 21:7

Cuz you know, befo time nobody tink I can born one bebe. Dey no tink dey goin tell Abraham, ‘Eh! Sarah get yoa bebe fo breas feed!’ But now, I stay born one boy fo Abraham wen he ol awready!”

Start 21:9

Dat time, Sarah see Ishmael, da boy dat da wahine from Egypt, Hagar, wen born fo Abraham. Ishmael make fun a Isaac.

Start 26:30

Isaac make one luau fo dem, an dey eat an drink plenny togedda.

Start 29:22

So Laban wen tell erybody from dat place fo come togedda, an he make one big wedding luau.

Start 40:20

So den, three days from dat time, da Pharaoh guy make one big party fo his birfday. He tell all his importan worka guys fo come. Den, he tell all dem guys fo go get da guy dat befo time stay in charge a da guys dat give da wine to da king, an da guy dat befo time bake da bread fo da king, an dey bring um to him.

2 Samuel 3:20

Wen Abner come by David, Hebron side, he get twenny guys wit him. David make one big luau fo Abner an his guys.

1 Kings 3:15

Den King Solomon wake up, an he know was God wen talk to him inside da dream. He go back Jerusalem side, an stan in front da Box Fo No Foget Da Deal Wit Da Boss. He make one sacrifice dat you burn up, an da kine sacrifice fo tell God dat eryting stay good. He make one party fo all da peopo dat work fo him.

Esther 1:3

In da numba three year wen he stay king, he make one big party fo all da alii an his govmen guys. Da army leada guys fo Persia an Media, da princes, an da alii fo da districks dat get dea local govmen, dey all stay dea.

Songs 131:2

I make shua notting bodda me Fo me res inside, Jalike one small kid stay quiet Wen he stay wit his muddah. Inside, I feel jalike dat small kid.

Hosea 1:8

Afta Gomer pau breas feed Lo-Ruhamah, she born one nodda bebe, one boy.

Local Leadas 14:10

Now, his faddah go down fo see da wahine. Samson make one big drinking party ova dea, jalike da grooms make.

Local Leadas 14:12

Samson tell, “I like tell you guys one riddle. If you guys can tell me wat dat mean befo da seven days pau fo da wedding luau, I goin give you guys thirty linen kine shirts, an thirty odda fancy kine clotheses.

1 Samuel 1:22

But Hannah not ready fo go. She tell him, “Bumbye wen I no need breas feed da boy no moa, I go take him to Da One In Charge house, an leave um, an he goin stay dea all da time.”

1 Samuel 1:24

Afta da boy no need breas feed no moa, Hannah bring him Shiloh. Samuel still stay young yet, but she take him to Da One In Charge house at Shiloh. She bring wit her one three-year-ol bull, one bag flour, an one goat skin full a wine, all fo make her sacrifice.

1 Samuel 25:36

Wen Abigail come back by Nabal, she see he stay make one big party inside da house, jalike one king. He stay real good inside cuz he stay plenny piloot. So she no tell him notting bout wat wen happen till light start fo come morning time.