Start 21:6 - Hawaii Pidgin Bible

⁶ Sarah, she tell, “God make me feel good inside. An I can laugh now, Cuz I get one bebe! Erybody dat find out bout dis goin feel good an laugh jalike me!

Start 21:6 ပူးပေါင်းရင်းမြစ်များ

Start 17:17

Den Abraham go down an put his face on top da groun fo show respeck to God. But he laugh same time, cuz inside, he stay tink, “No way! How can?! Me, one hundred year ol, an Sarah, ninety year ol. How us can get kids?!”

Songs 113:9

Da One In Charge make da wahines Dat no can get kids stay good inside, Cuz he give um dea home, An now dey get kids. Eh you guys! Tell good tings Bout Da One In Charge!

Songs 126:2

Dat time, erytime we talk, Us laugh an yell Cuz we stay good inside. Even da peopos Inside odda countries tell, “Da One In Charge, He stay do plenny good tings Fo his peopo!”

Isaiah 49:15

But Da One In Charge tell, “Eh! You tink one muddah goin foget Her bebe dat stay breas feed? You tink she no mo love an pity Fo da kid she wen born? No matta she foget, Me, no way I goin foget you Jerusalem guys!

Isaiah 49:21

Den you Jerusalem peopo Goin tink, “Eh! Who give me all dese kids?! Da Babylon guys wen take away my kids, An I ol, an no can born kids no moa. I was one prisona, An dey throw me outa my house. So! Who raise dese kids? No mo nobody hea wit me. So wea dese guys come from?”

Isaiah 54:1

“Eh, my peopo! Sing an yell cuz you stay good inside! Cuz befo time, you guys Was jalike one wahine dat no mo her kids yet, Dat neva feel da sore from born one bebe. But now, eryting goin come good fo you guys, Jalike if dat wahine dat neva born one bebe, Now her get mo plenny kids Den da wahine dat get husban.” Dass wat Da One In Charge tell.

Jeremiah 20:15

I like put kahuna on top da guy dat tell my faddah dat I wen born. He make my faddah come real good inside, Cuz he tell, “You get one boy!”

Luke 1:14

You goin stay real good inside cuz a him, an plenny peopo goin stay good inside cuz he born.

Luke 1:58

Da peopo from ova dea an her ohana hear how Da One In Charge do plenny fo Elizabet cuz he get pity fo her, an dey all come real good inside wit her.

Rome 12:15

Wen odda peopo feel real good inside, you feel good inside wit um—an wen dey cry, you cry wit um.

Hebrews 11:11

Sarah, Abraham wife, she wen trus God too. Dass how she get da powa fo start one ohana, no matta she no can come hapai cuz she too ol. God wen make one promise to her dat she goin born one kid, an she trus God dat he erytime do wat he tell he goin do.

1 Samuel 1:26

Hannah tell him, “My Boss! Fo shua, you neva foget me, aah?! I da one you wen see ova hea befo time, stay praying to Da One In Charge.