Start 21:34 - Hawaii Pidgin Bible

³⁴ An Abraham wen live long time, ova dea inside da land wea da Filisha peopo live nowdays.

Start 21:34 ပူးပေါင်းရင်းမြစ်များ

Start 20:1

Abraham move house from da place he stay an go south to da Negev land. He put up his tents in da middo Kadesh town an Shur town. Afta dat, he go Gerar town fo live short time.

Start 22:19

Den Abraham an Isaac go back by da worka guys, an dey all go home togedda Beer-Sheba side. Dass da place Abraham live, dat time.

1 Records 29:15

Da way you see us guys, us ony stay hea short time, jalike we come from anodda place, jalike we ony visit—jalike all oua ancesta guys wen do. Us guys live hea in da world ony short time, jalike one shadow, an us donno wat we stay wait fo.

Songs 39:12

Eh! You Da One In Charge! Try lissen wen I pray! Lissen wen I yell to you fo help me! Wen you hear me stay cry, No hold back! Cuz I ony one guy Dat stay hea wit you short time, Jalike all my ancesta guys.

Hebrews 11:13

All dose peopo, dey wen trus God all da time till dey mahke. Dey neva get da stuff God wen promise, dey know dat dey goin get um bumbye. Dey stay good inside, jalike dey wen spock um from far away. An dose peopo know inside dat dey not from dis world. Dey know dey ony stay short time ova hea.

Hebrews 11:9

He wen trus God. Az why he make house ova dea cuz God make one promise fo give him dat land bumbye. He not from dea. He ony live dea inside tents. His boy Isaac an his grankid Jacob, dey live da same way too. Az cuz God wen make da same promise to dem too.

1 Peter 2:11

My frenz, you guys no stay kamaainas ova hea an you stay hea ony short time. Az why I stay beg you guys fo no do da bad kine stuff yoa body tell you fo do. Inside you, da bad kine stuff stay fight you.