Start 2:3 - Hawaii Pidgin Bible

³ God tell, “Day numba seven, dass da bestes day!” He make dat day da spesho day fo him. Cuz dat was da day wen he pau make eryting so no need do moa. Dat day he res.

Start 2:3 ပူးပေါင်းရင်းမြစ်များ

Start 1:31

God look eryting he wen make, an he tell, “Real, real good, all dat!” An had da nite time an da day time, az day numba six.

Start 2:2

Wen da day numba seven come, God pau awready wit da work he stay do.

Start 2:4

An dass da God Make Eryting story bout how was wit da sky an da world, wen God make um all. Dat time, wen God, da one dey call Da One In Charge, make da world an da sky,

Nehemiah 9:14

You let um know dat da Res Day stay spesho fo you. You tell um wat dey gotta do an how dey gotta do um. You wen make Moses teach um yoa Rules, Cuz dat time, he da guy dat work fo you.

Outa Egypt 23:12

Ery week you guys work six days. Da day numba seven, you guys gotta stop. Dass fo yoa cows an yoa donkeys res too, an yoa worka guys an da peopo from anodda place dat stay wit you guys res too.

Outa Egypt 34:21

“Work six days. Da day numba seven, you gotta res, no work. No matta time fo plow da groun o harves da food.

Smart Guys 10:22

Wen Da One In Charge do good tings fo peopo, He give dem plenny good stuff. He no give problem same time.

Ezekiel 20:12

An I give dem da days dat stay spesho fo me too fo stay jalike one sign fo dem an fo me. Make shua dey no foget was me, Da One In Charge, wen make da days spesho fo me.

Prieses 23:3

“Get six days wen you guys can work. But day numba seven, az da Res Day, fo erybody res. Dass wen you guys goin come togedda fo do stuff dat spesho fo me. No matta wea you guys live, you no can work dat day. Az one Res Day you give fo me, Da One In Charge.

Mark 2:27

Den Jesus tell, “You know, God neva make da peopo fo da Res Day. He make da Res Day fo da peopo.

Luke 23:56

Den dey go home fo make da spices an da perfume ready fo his body. On da Res Day dey res, jalike da Bible tell fo do.