Start 19:15 - Hawaii Pidgin Bible

¹⁵ Early morning time, wen ony litto bit red da sky, da angel messenja guys try fo make Lot hurry up. Dey tell: “Hele on! Take yoa wife an yoa two daughtahs dat stay hea wit you! No good Da One In Charge blow you away wit da oddas wen he wipe out da town fo da bad tings dey do!”

Start 19:15 ပူးပေါင်းရင်းမြစ်များ

Start 19:14

So Lot talk to da guys dat goin come his son-in-law guys wen dey marry his daughtahs. He tell um, “Get up! Get outa dis place! God, Da One In Charge, goin wipe out da whole town!” But da guys dat like marry his daughtahs, dey tink he stay make one joke. Az why dey no do notting.

Start 19:16

But Lot, he still neva like hurry up. So da two guys grab Lot, an his wife, an da two daughtahs. Dey bring um all outside da town an leave um dea. Dass how Da One In Charge wen show pity fo dem an give um chance.

Start 19:17

Afta dey get um outside da town, one a da angel messenja guys tell Lot, “Run away some place wea you no goin mahke! No look behind you! No stay nea da towns. Run away mauka side cuz goin be good ova dea. No good Da One In Charge blow you away too!”

Start 19:22

But hurry up! Run ova dea, cuz I no can wipe out notting till you get dea.” (Dass how dat small town get da name, Zoar, dat mean “not importan.”)

Songs 94:23

Da One In Charge, he goin get um back Fo da way dey jam up eryting. He goin wipe dem out Fo da bad tings dey wen do. Az oua God, Dass Da One In Charge a us, Goin wipe dem out!

2 Corint 6:2

God tell dis inside da Bible, “I wen hear you at da right time. I wen kokua you, da time I like get you outa da bad kine stuff.” Eh, lissen! Now da right time fo God get you outa da bad kine stuff you stay in!

Jesus Show 18:4

Den I hear anodda voice from da sky. God tell, “Eh, my peopo, get outa dea! So you guys no goin do Da bad kine stuff da peopo inside Babylon do! An you no goin get all da big troubles dat town goin get.