Start 18:8 - Hawaii Pidgin Bible

⁸ He get sof cheese an milk, da meat from da young cow dey kill, an put da food in front da three guys. All da time dey stay eating, Abraham stan ova dea unda da tree fo make shua dey get plenny fo eat.

Start 18:8 ပူးပေါင်းရင်းမြစ်များ

Start 18:7

He run from dea ova by wea da cows stay. He pick one young cow wit good meat, an tell one young guy dat work fo him fo go kill da cow quick an cook da meat nice.

Start 18:9

Da guys aks Abraham, “Wea yoa wife Sarah stay?” Abraham tell, “Ova dea, inside da tent.”

Start 19:3

But Lot tell um, “No way! You guys gotta stay my house!” So dey go wit him his house. Lot tell his peopo fo make good kine food, an fo make da kine bread dat no mo yeast fo dem. Den dey eat.

Nehemiah 12:44

Dat same day, us guys wen give guys dea jobs. Some take kea da rooms an da storage places, some take da gifs dat peopo bring, oddas take da bestes stuff dat da peopo harves from da groun an bring to da Temple jalike da Rules From God tell fo da pries guys eat. Da peopo bring stuff from da fields aroun da small towns too fo da Levi ohana peopo. All da Judah peopo stay real good inside cuz a da pries guys an da Levi ohana guys dat help da prieses.

Isaiah 7:15

Wen he come big, an he know wass right an wass wrong, an know fo pick ony wass right, dat time goin get plenny sof cheese an honey kine stuff fo him eat.

Isaiah 7:22

So from da cow an da goat, dey goin get milk, an da guy goin get enuff sof cheese fo eat. Da peopo dat da army guys no take away from inside da land, goin get sof cheese an wild honey fo eat.

Luke 12:37

Wen da boss come back, goin be good fo da worka guys dat stay awake an watching. Dass right! An I like tell you guys dis too: Fo dem, da boss goin put on one worka clotheses, make his worka guys sit down at da table, an bring um food.

Luke 17:8

Da boss goin tell, ‘Make my suppa, go get ready, an bring um all fo me fo me eat an drink. Afta dat, you goin eat an drink.’ Dass wat he goin tell um fo do.

Luke 24:30

He sit down by da table fo eat wit dem. He pick up da bread, an tell God “Mahalo plenny!” an broke um up fo give um to dem.

Luke 24:43

He take um an eat um in front dem.

John 12:2

So dey make one dinna fo Jesus. Marta bring da food to da peopo, an Lazarus stay sit by Jesus at da table.

Jesus Guys 10:41

All da peopo neva see um, but us guys dat God wen pick fo tell bout him, us wen see um. We wen eat an drink wit him afta he come back alive.

Galatia 5:13

Eh, my braddahs an sistahs, God let you guys go, but dat no mean you get da right fo make any kine how you like. Mo betta, kokua each odda cuz you guys get plenny love an aloha fo each odda.

Rules Secon Time 32:14

He give um sof cheese from dea cows An milk from dea sheeps an goats, An da bestes kine meats from da bebe sheeps an goats, An meat from da big kine sheeps Dat stay Bashan side, an goats, An wheat dat get big seed. He let um drink da juice From da grapes, da red wine.

Jesus Show 3:20

Lissen up! I stay ova hea. I stay stand outside da door an knock. Whoevas hear my voice, an open da door, I goin go inside his place, an eat wit him, an he goin eat wit me.’ ”

Local Leadas 13:15

Manoah tell da angel guy from Da One In Charge, “Try stay till we make ready one young goat fo you eat.”

Local Leadas 5:25

Sisera aks fo watta, an she give him milk. Inside one nice bowl good enuff fo da alii She bring sof cheese fo him.