Start 18:14 - Hawaii Pidgin Bible

¹⁴ Eh! Me, Da One In Charge! You tink get stuff too hard fo me do um, o wat? I goin come back by you same time nex year, an Sarah goin get one bebe boy.”

Start 18:14 ပူးပေါင်းရင်းမြစ်များ

Start 17:16

I goin do good tings fo her, an I goin give her one boy fo you. I goin make good tings come out fo her, so she goin be da ancesta wahine fo plenny diffren peopos. Goin get king guys fo diffren peopos dat goin come from her too!”

Start 17:21

But I goin set up my spesho deal wit Isaac, not wit Ishmael. Same time nex year, Sarah goin born yoa boy.”

Start 18:10

Den one a dem tell, “Same time, one year from now, I goin come back by you, an garans yoa wife goin get one bebe boy!” Sarah stay lissen from inside da tent door, behind da one dat tell dat.

Start 18:13

Den Da One In Charge tell Abraham, “Eh! How come Sarah laugh? She figga, ‘You tink I goin born one bebe, no matta I real ol, o wat?’

Start 18:15

Sarah, she sked, so she tell, “I neva laugh!” But Da One In Charge tell her, “Not! You wen laugh!”

Start 21:1

Laytas, Da One In Charge take kea Sarah, jalike he wen promise fo do.

Start 21:2

Sarah come hapai. Az jalike God, Da One In Charge, wen tell Abraham befo time, dat he goin give um one boy. She born da boy fo Abraham wen Abraham real ol awready.

2 Kings 4:16

Elisha tell, “Dis same time nex year, you goin carry yoa bebe boy inside yoa arms.” She tell, “No way, boss! You one guy dat stay tight wit God. No tell me someting dat no goin happen.”

Job 36:5

“Eh! God get powa, but he no tink dat peopo no good. He get powa, an he stay shua wat he plan fo do.

Job 42:2

“I know fo shua you can do eryting. No mo nobody can jam up wat you plan fo do.

Songs 90:13

Eh You In Charge! So, how long you goin stay huhu Wit us guys? Try change yoa mind an show pity Fo us guys dat work fo you!

Songs 93:1

Da One In Charge, he da king! He stay awesome an strong Jalike he wear king kine robes! He wen put da world in da right place, An no mo notting can shake up Da world from dea!

Songs 95:3

Cuz Da One In Charge, Him da God dass fo real! Him da awesome King dat get da powa Ova all da odda gods.

Isaiah 50:2

Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Jeremiah 32:17

“You, Da One In Charge, you da Boss! Fo shua you da One wen make da sky an da world, cuz you strong an you no sked use yoa powa. I know, no mo notting stay too hard fo you fo do.

Jeremiah 32:27

“Fo shua, Me, Da One In Charge, da God fo all da peopos inside da world. You tink someting too hard fo me fo do, o wat?!

Daniel 6:20

Wen he come nea da lion hole, he call Daniel wit one sad kine voice. “Daniel, da worka guy fo da God dat stay alive! Yoa God, da One you work fo erytime, he wen get you outa dis, o wat?!”

Micah 7:18

Den Micah tell: “No mo anodda god jalike you! You let go da peopo dat still stay alive, No matta dey wen do bad kine stuff. You hemo all da shame dey get cuz dey wen go agains you, An you no stay huhu long time. You take da peopo dat stay come back by you, Cuz you stay good inside wen you stay tight wit dem.

Zekariah 8:6

Da One In Charge, Da God Ova All Da Armies, tell: “Wen dat happen, all da peopo dat still yet stay alive goin tink dis no can happen now! But you tink dat I figga no can happen now, o wat?! No ways!”

Census 11:23

Da One In Charge tell Moses, “Wassamatta you?! Me, Da One In Charge, an you tink I no mo enuff powa fo do dat?! Now you goin see if wat I tell goin happen fo you, o not!”

Matthew 14:31

Right den an dea Jesus put out his hand an grab him, an tell, “How come you trus me ony litto bit? How come you tink you no can do um?”

Matthew 19:26

Jesus look strait at dem, an tell, “No mo nobody dat can do um, but ony God, he da One dat can do um.”

Matthew 3:9

Eh! No tink, ‘Jus cuz Abraham oua main faddah us guy no goin get punish!’ I stay tell you guys now, God can take dese rocks ova hea an make kids fo Abraham outa dem.

Mark 10:27

Jesus look strait at dem an tell, “No mo nobody dat can do um, but ony God, he da One dat can do um all.”

Luke 1:13

But da angel guy tell, “No sked, Zekariah! God wen hear wat you tell, an yoa wife Elizabet goin born one boy. You goin name um John.

Luke 1:18

Zekariah tell da angel guy, “How I goin know dis fo shua? I one ol man, an my wife, she ol too.”

Luke 1:37

Notting too hard fo God, you know.”

Luke 8:50

Wen Jesus hear dat, he turn aroun an tell Jairus, “No sked, ony trus me, an she goin come good.”

Rome 4:21

Abraham wen know fo shua dat wateva God wen promise fo do, he strong enuff fo do um.

Efesus 3:20

God, he get plenny powa! Wateva we go aks him fo do, o wateva we figga he can do, he can do mo plenny den dat! Dass da kine powa he get fo change us guys inside.

Rules Secon Time 30:3

den wen you guys come back, yoa God, Da One In Charge, goin make tings come good one mo time fo you guys, an get love an pity fo you guys. He goin bring you guys back togedda from all da diffren countries he wen sen you guys to.

Rules Secon Time 7:21

No come sked an shake cuz a dem! Cuz oua God, Da One In Charge, stay right hea wit you guys, an he one God dat stay big an awesome.

Philippi 3:21

He goin make oua bodies come real diffren, no matta dey stay kinda junk right now. Christ, his body wen come real awesome, an he goin make oua bodies come awesome jalike how Christ body stay awesome. He do dat cuz he get da powa fo take ova eryting.

Philippi 4:13

I strong enuff fo handle any kine cuz I stay tight wit Christ, an he give me da powa fo do um.

Hebrews 11:19

Abraham wen figga dat God get da powa fo make peopo come back alive from mahke. An dat time, az was jalike Isaac wen mahke an den come back alive.

Local Leadas 13:3

One angel messenja guy from Da One In Charge show up by her an tell, “Till now, you no get hapai, but you goin get hapai an born one boy.

1 Samuel 14:6

Jonathan tell da young guy dat carry his stuff fo fight, “Go come, we go ova da pass by wea dose guys stay dat neva cut skin jalike God peopo. Maybe Da One In Charge go do someting fo help me an you. Da One In Charge goin win, no matta he get plenny guys o litto bit guys.”