Start 17:18 - Hawaii Pidgin Bible

¹⁸ Abraham tell God, “Okay den. I like Ishmael be da one you goin take kea of.”

Start 17:18 ပူးပေါင်းရင်းမြစ်များ

Start 17:17

Den Abraham go down an put his face on top da groun fo show respeck to God. But he laugh same time, cuz inside, he stay tink, “No way! How can?! Me, one hundred year ol, an Sarah, ninety year ol. How us can get kids?!”

Start 17:19

God tell, “I know you tink dis no goin happen. But I stay talking bout yoa wife Sarah. Her da one dat goin born one boy fo you. You goin give him da name Isaac (dat mean, ‘he laugh’). I goin make da same deal fo him dat I get wit you, him an da peopo dat goin come from him, foeva.

Start 21:11

Dat wen bodda Abraham plenny, da ting Sarah wen tell. Cuz Ishmael his boy too.

Start 4:12

Wen you try fo work da groun, da groun no goin give you back notting good. You no goin get one place fo live. From now, you gotta jus go from one place inside dis world to anodda place!”

Start 4:14

So den, today you goin throw me outa da land an no let me work da groun no moa, an no let me stay by you, aah?! I gotta jus go hide! Goin be lidis: I gotta jus go one place inside dis world to anodda, an anybody dat meet me, bumbye dey like kill me!”

Songs 4:6

Get plenny peopo dat tell, “Eh, us guys like see good kine stuff happen to us guys!” Eh! You Da One In Charge! Smile nice kine to us guys Fo us know you like us!

Songs 41:12

You hold me up so I no fall down Cuz I stay all pono inside. Az why you goin let me stan In front you foeva.

Isaiah 59:2

So! How come you guys stay cut off from da God you pray to, Da One In Charge?! Az cuz you guys do bad kine stuff dat God goin punish you fo, az why! How come God no let you see his face An he no lissen?! Cuz you guys stay do bad kine stuff, az why!

Jeremiah 32:39

I goin show dem how fo tink an live da bestes way. Erytime dey goin show me respeck. Dass how eryting goin come good fo dem an da ones dat goin come from dem.

Jesus Guys 2:39

He wen promise all dat fo you guys an yoa kids, an fo all da peopo dat no stay tight wit God—all da ones Da One In Charge goin tell fo come to him, dass oua God.”