Start 17:17 - Hawaii Pidgin Bible

¹⁷ Den Abraham go down an put his face on top da groun fo show respeck to God. But he laugh same time, cuz inside, he stay tink, “No way! How can?! Me, one hundred year ol, an Sarah, ninety year ol. How us can get kids?!”

Start 17:17 ပူးပေါင်းရင်းမြစ်များ

Start 17:18

Abraham tell God, “Okay den. I like Ishmael be da one you goin take kea of.”

Start 17:3

Right den an dea Abram go down an put his face on top da groun fo show respeck fo God. God talk to him lidis:

Start 18:11

(No foget, dey real ol, Abraham an Sarah, an Sarah from long time she no can come hapai.)

Start 18:12

So Sarah laugh inside, cuz she stay figga, “Now I all dry up, an my husban, he ol too! Dis mean, fo real I goin born one bebe an feel good inside, o wat?”

Start 21:5

Da time Isaac born, Abraham hundred year ol awready.

Start 21:6

Sarah, she tell, “God make me feel good inside. An I can laugh now, Cuz I get one bebe! Erybody dat find out bout dis goin feel good an laugh jalike me!

Start 21:7

Cuz you know, befo time nobody tink I can born one bebe. Dey no tink dey goin tell Abraham, ‘Eh! Sarah get yoa bebe fo breas feed!’ But now, I stay born one boy fo Abraham wen he ol awready!”

1 Records 21:16

David look up an see da angel guy from Da One In Charge dat stan wit da sky ova him an da earth undaneat him. He carry one sword inside his hand, an he hold um out ova Jerusalem. David an da older leadas put on burmbag kine clotheses, an dey go down an put dea face on top da groun.

Job 1:20

Wen Job hear dat, right den an dea he stan up an rip his clotheses an shave his head fo show he stay sad inside. Den he go down an put his face on top da groun.

Ezekiel 1:28

Da strong light aroun him look jalike one rainbow in da clouds afta wen rain all day. Dis kinda wat he look jalike, Da One In Charge. Ho! he real awesome kine. Wen I spock him, I fall down an put my face on top da groun. An den I hear somebody stay talking.

Daniel 8:17

Gabriel come nea da place wea I stay stan. I come real sked an fall down on top da groun in front him. He tell, “You one Fo Real Kine Guy, an you gotta undastan, dat wat you see in dis dream, tell bout da end a da world.”

Prieses 9:24

Den fire come out from in front Da One In Charge, an burn up all da burn up kine sacrifice an da fat parts a da odda sacrifices dat stay on top da altar. Wen da peopo see dat, dey yell cuz dey stay feel good inside. Den dey go down an put dea face on top da groun fo show respeck fo Da One In Charge.

Census 14:5

Den Moses an Aaron go down an put dea face on top da groun fo pray in front all da Israel peopo dat come togedda wit dem.

Census 16:22

But Moses an Aaron go down an put dea face on top da groun, an yell, “God, you da God fo da spirits a all da peopo on top da earth! Try no come huhu wit all da peopo wen ony one guy wen do one bad ting!”

Census 16:45

“Go way from all dese peopo, fo me wipe dem all out right now!” But Moses an Aaron go down an put dea face on top da groun.

Matthew 2:11

Dey go inside da house. Dey see da boy an his muddah Mary. Dey go down in front him an show him respeck. Den dey take out dea rich stuffs, an give um to Jesus. Dey give um gold, incense, an spesho kine myrrh perfume.

Luke 1:18

Zekariah tell da angel guy, “How I goin know dis fo shua? I one ol man, an my wife, she ol too.”

John 8:56

Abraham, dass you guys faddah. He wen stay real good inside wen he find out dat I goin come hea. He wen see dat, an he feel good inside.”

Rules Secon Time 9:18

“Den jalike da firs time, I wen go down in front da Tent Fo Me Wit Da One In Charge fo forty days an forty nites. I no eat food an no drink watta all dat time, cuz a all da stuff you guys stay do dass real bad kine da way Da One In Charge see um, an dat make him come real mad wit you guys.

Rules Secon Time 9:25

“I wen go down in front Da One In Charge dat time fo forty days an forty nites, cuz he wen tell me he goin wipe out you guys.

Joshua 5:14

Da guy tell, “I not fo you guys o fo da guys dat stay agains you. But I stay in charge a da army guys fo Da One In Charge. Dass why I stay come hea.” Den Joshua go down quick fo put his face on top da groun, fo show he get awesome respeck fo da guy. Joshua aks um, “Wat my Boss like tell me, his worka guy?”

Joshua 7:6

Joshua rip his clotheses, an go down an put his face on top da groun in front da Box Fo No Foget Da One In Charge. He stay dea till litto mo dark. Da older leadas fo da Israel peopo do da same ting, an throw dirt on top dea head fo show dey stay sad inside.

Jesus Show 11:16

Den da twenny-four older leadas dat stay sit on top dea thrones in front God, dey go down an put dea face on top da groun, an show God love an respeck.

Jesus Show 5:8

Afta he take um, da four tings dat stay alive an go ery place God go, an da twenny-four older leadas, dey go down in front da Bebe Sheep Guy. Dey all get harp an gold kine bowl wit incense inside. Da incense, dass jalike all da tings da peopo dat stay spesho fo God aks him fo do.

Local Leadas 13:20

Wen da fire go up from da altar, an go inside da sky, da angel from Da One In Charge go up inside da fire. Wen Manoah an his wife see dat, dey go down an put dea faces on top da groun.