Start 16:8 - Hawaii Pidgin Bible

⁸ He tell, “Eh! You Hagar, da slave dat work fo Sarai. Wea you stay come from? An wea you goin go?” Hagar tell um, “I stay running away from Sarai, da lady I work fo.”

Start 16:8 ပူးပေါင်းရင်းမြစ်များ

Start 16:1

Sarai, Abram wife, neva born kids yet. She get one slave wahine from Egypt, Hagar.

Start 16:4

Abram an Hagar sleep togedda, an she come hapai. But wen she know she hapai, she make jalike she mo betta den Sarai, da lady she work fo.

Start 16:9

Da angel messenja guy, dass Da One In Charge, tell her, “Go back now to da lady you work fo. Show her respeck an do wat she tell you fo do, no matta she make any kine to you.”

Start 21:17

Same time, da boy pray to God, an God lissen him. One angel messenja guy from God call out to Hagar from da air. He tell her, “Hui! Hagar! Wassup wit you? No sked! Cuz da boy wen pray ova dea, an God lissen awready.

Start 3:9

God call loud fo da guy hear um. He tell, “Hui! Adam! Wea you stay?”

Start 4:10

Da One In Charge tell, “Wat you wen do?! You wen murda yoa braddah, an now, his blood stay ova dea on top da groun, jalike he stay call out to me fo pay you back.

1 Kings 19:13

Wen Elijah hear dat, he pull his blanket ova his face. He go litto bit outside da cave. Den one small voice tell him, “Elijah! How come you stay ova hea?!”

1 Kings 19:9

Wen Elijah reach Mount Sinai, he go inside da cave dat get dea, an stay all nite. Den Da One In Charge give him one spesho message. He tell, “Elijah! How come you stay hea?!”

2 Kings 5:25

Den he go inside da house an stan in front his boss Elisha. Elisha aks, “Gehazi, wea you wen go?” Gehazi tell, “Me, yoa worka guy, I neva go no place.”

Teacha 10:4

If one leada guy come huhu wit you, No good you bag from yoa kuleana. No quit! One cool head can cool down da odda guy, Even wen dey jam up big time.

Local Leadas 19:17

Wen he look an see da guys from anodda place inside da square fo da big town, da ol guy aks, “Wea you going? Wea you wen come from?”

1 Samuel 26:19

Now, you da king, an you my boss. Az why I like you fo lissen wat I goin tell you. If Da One In Charge da One stay make you come agains me, den I goin make one sacrifice fo Da One In Charge, fo him smell um an know eryting stay good wit me an him, an den he no stay agains me no moa. But if all dis huhu jus come from peopo, I like Da One In Charge make shua dose buggahs get kahuna on top dem! Cuz wat get right now, is dis—dey wen throw me outa my land. Az why now, I no mo da right fo own my share dat Da One In Charge was suppose to give me! Jalike dey stay tell me, ‘Go way! Beat it! Go by da odda peopos an pray to dea gods, not oua God!’