Start 16:11 - Hawaii Pidgin Bible

¹¹ He tell her dis too: “Eh, you hapai awready, you know. You goin get one boy. You goin give him da name Ishmael. Cuz Da One In Charge lissen, an he know you suffa plenny.

Start 16:11 ပူးပေါင်းရင်းမြစ်များ

Start 17:19

God tell, “I know you tink dis no goin happen. But I stay talking bout yoa wife Sarah. Her da one dat goin born one boy fo you. You goin give him da name Isaac (dat mean, ‘he laugh’). I goin make da same deal fo him dat I get wit you, him an da peopo dat goin come from him, foeva.

Start 21:17

Same time, da boy pray to God, an God lissen him. One angel messenja guy from God call out to Hagar from da air. He tell her, “Hui! Hagar! Wassup wit you? No sked! Cuz da boy wen pray ova dea, an God lissen awready.

Start 37:25

Afta dat, da braddah guys sit down fo eat. Dey look, an spock plenny guys from da Ishmael ohana stay come from Gilead side. Da guys all go Egypt side togedda. Dey get plenny camels, an da camels stay carry stuff fo sell Egypt side, sap from da trees dat smell nice, diffren kine sap fo make perfume, an bark from da trees fo incense.

Job 38:41

Who give food to da scavenja bird Wen dea bebes cry to me, God, fo food, An go all ova da place cuz no mo food?”

Songs 22:24

Cuz da peopo dat odda peopo put down, Wen dey talk to Da One In Charge, He no treat um jalike dey junk. He no turn aroun an go da odda way. Wen dat kine peopo yell to Da One In Charge fo help um, Da One In Charge, he lissen!” Dass wat I goin tell da peopo.

Outa Egypt 3:7

Da One In Charge tell Moses dis too: “I see eryting, all da hard time dat da Egypt peopo give my peopo! I hea how dey stay yell fo me fo help um from da luna guys. Yeah, I know how plenny dey suffa.

Outa Egypt 3:9

“Now, cuz da Israel peopo stay yell to me fo help um, I stay lissen. An I see da way da Egypt peopo stay make dem bus ass an make any kine to dem.

Isaiah 7:14

Cuz a dat, my Boss goin give you guys one sign. Dis da sign: goin get one young wahine dat neva sleep wit one guy, but layta she goin come hapai, an bumbye dat wahine goin born one boy. She goin call him ‘Immanuel,’ dat mean, ‘God stay wit us guys.’

Luke 1:13

But da angel guy tell, “No sked, Zekariah! God wen hear wat you tell, an yoa wife Elizabet goin born one boy. You goin name um John.

Luke 1:31

You goin come hapai, an goin born one boy. You goin name him ‘Jesus.’

Luke 1:63

Zekariah aks fo one paypa an write down, “He get da name ‘John.’ ” An dea jaws drop!

1 Samuel 1:20

Bumbye, she come hapai, an born one boy. She name da boy Samuel. She call um dat, cuz she tell, “I wen aks Da One In Charge fo him!”