Start 14:10 - Hawaii Pidgin Bible

¹⁰ All ova inside da Siddim Valley, had plenny puka wea da tar come outa da groun. Afta da army guys start fo fight, da ones from Sodom an Gomorrah an dea king guys run away from da Babylon army guys. Had some a da Sodom an Gomorrah guys dat fall down inside da pukas wea da tar come out an dey mahke dea. Da odda guys run away mauka side.

Start 14:10 ပူးပေါင်းရင်းမြစ်များ

Start 11:3

Erybody tell dea frenz: “Eh, we go make brick fo house, da kine you put inside da fire fo make um come real hard.” Ova dea dey use brick cuz no mo rock, an dey ony get da tar dat come outa da groun fo make da brick stuck togedda, cuz no mo da right kine mud ova dea.

Start 14:11

Den da four king guys from Babylon an dea army guys take all da stuffs dat get inside Sodom an Gomorrah, an all da food too, an dey go way.

Start 14:17

Afta Abram chase King Kedorlaomer an da odda king guys Hobah side, he go home. Wen Abram stay going home, da king fo Salem town come out fo talk wit him, Shaveh Valley, da place we call da King Valley. Da king fo Sodom town go dea too. King Melkizedek, da king fo Salem town, was one pries fo da God Dass Mo Importan Den All Da Odda Gods. He bring bread an wine fo Abram.

Start 14:21

But da king guy fo Sodom tell Abram, “Eh, jus let da peopo go wit me. Keep all da stuffs fo yoa guys!” (He like peopo tink dat he da one dat make Abram come rich, az why he talk lidat.)

Start 14:9

Dey all stay wait ova dea fo King Kedorlaomer from Elam, King Tidaal da king fo some odda peopos, King Amrafel from Babylon, King Ariok from Ellasar, an all dea army guys. Had four king guys an dea army guys stay come, an five king guys an dea army guys stay wait ova dea fo fight dem.

Start 19:17

Afta dey get um outside da town, one a da angel messenja guys tell Lot, “Run away some place wea you no goin mahke! No look behind you! No stay nea da towns. Run away mauka side cuz goin be good ova dea. No good Da One In Charge blow you away too!”

Start 19:30

Laytas, Lot an his two daughtahs go way from Zoar to da mountains. He sked fo stay wit da Zoar peopo, az why. Ova dea mauka side, Lot an his two daughtahs live inside one cave.

Songs 83:10

Da time oua peopo Wen wipe dem out nea Endor, An da mahke bodies wen rot An come jalike manua Fo da groun ova dea.

Isaiah 24:18

Anybody run away from some skery kine noise, Dey goin fall down inside da deep hole. Anybody climb outa da deep hole, Somebody goin catch dem in da trap. “Az goin be jalike da time Da sky wen open fo let da watta come down, An undaneat da earth, da foundation stay shake!

Jeremiah 48:44

“Anybody run away from wateva make dem real sked an shaking, Dey goin fall down inside one deep hole. An whoeva climb outa da deep hole, Da trap goin catch um anyway. Cuz az time awready Fo me punish da Moab peopo.” Az wat Da One In Charge tell.

Joshua 8:24

Da Israel guys kill all da Ai guys wit swords in da fields an in da boonies wea dey chase dem. Den da Israel guys go back Ai an kill erybody dat still yet stay inside dea.