Start 1:9 - Hawaii Pidgin Bible

⁹ Den God tell, “I like da watta unda da sky come togedda one place, so dat get dry land!” An dass wat God wen do.

Start 1:9 ပူးပေါင်းရင်းမြစ်များ

Start 1:8

Da ting inside da middo, God give um da name “Da Sky.” Had da nite time an da day time, az day numba two.

Nehemiah 9:6

“You Da One In Charge, you da ony one! You wen make da sky, an even da mos high part a da sky. You wen make da sun an da moon an all da stars, jalike one army. You wen make da world an eryting dat stay live on top. You wen make da ocean an eryting dat stay inside dea. You da one dat wen make all da animals an plants an fish an peopo stay alive, An erybody dat stay inside da sky stay show you love an respeck!”

Job 26:10

He mark da horizon on top da ocean. He make one edge all da way To wea get light one side an get dark da odda side.

Job 26:7

God spread out da north sky ova one place wea no mo notting. He hang da earth wea no mo notting fo hold um.

Songs 104:3

He build his palace in da sky. He use da clouds fo war wagon An he ride on top da wind, Jalike da wind get wings fo carry him.

Songs 33:7

He bring togedda da watta Inside da ocean an keep um dea, Jalike he put da open ocean Inside one storage place.

Songs 95:5

Da ocean, he own um, cuz he wen make um. Da dry land, he own dat too, Cuz he da one wen put um togedda.

Teacha 1:7

All da streams go to da ocean. But da ocean level no go up. Da watta go back da place Wea come from befo time.

Jeremiah 5:22

Da One In Charge tell, “I da One you guys betta watch out! You betta come sked a me! Wen you stay in front me, You guys goin shake cuz you sked! I wen put da sand by da sea edge. Da sand make da ocean stay dea foeva. Da waves come in an go out, An dey no can do notting. Da wave make big noise, But dey no goin go ova da sand.

Jonah 1:9

Jonah tell um, “Me, I one Hebrew guy. I get love an respeck fo Da One In Charge, da God Up Dea Inside Da Sky. He da One wen make da ocean an da land.

2 Peter 3:5

But you know, get one ting dem buggahs make deaf ear bout: Long time befo time, wen eryting wen start, God wen command an get da sky. Den God wen start wit da watta fo make da land an da watta diffren kine. He make da land come up from da watta.

Jesus Show 10:6

Da angel guy make one strong promise fo God, dat stay alive foeva an eva, dat wen make da sky an da world, an da ocean, an eryting dat stay inside um. Da angel guy promise, “Dis stay true: God no goin wait no moa! Time awready!”