Start 1:22 - Hawaii Pidgin Bible

²² Den God tell da fish an birds an all da odda kine life, “I give you da powa fo you do eryting I wen make you fo do. So, I like you get plenny bebes, an fill up da ocean wit um. You birds too, I like you fo do da same ting an fill up da world!”

Start 1:22 ပူးပေါင်းရင်းမြစ်များ

Start 1:21

God make all da big kine fish an odda kine tings dat live inside da ocean, an choke plenny small kine fish an odda kine tings dat move aroun inside da watta, an all kine birds an bugs wit wings. An God look da tings inside da watta an da tings dat fly, an he tell, “Real, real good, all dat!”

Start 1:23

Had da nite time an da day time, az day numba five.

Start 1:28

Den God tell um, “I give you guys da powa fo you do eryting I wen make you fo do. So, born plenny bebes, an fill up da world wit um, an take ova! You guys, in charge a da fish inside da ocean, an da birds inside da sky, an all da animals dat move aroun on top da groun.”

Start 30:27

But Laban tell um, “I no like you go, but I like tell you one mo ting, cuz I yoa fren. I know I stay rich awready, an Da One In Charge do plenny good kine stuff fo me, cuz a you.

Start 30:30

Befo I come hea, you ony had litto bit, you know, but now you get plenny. Ery place I go, Da One In Charge make eryting come out good fo you. But, wat bout me? Az time awready fo me do someting fo my ohana peopo now.”

Start 35:11

God tell Jacob dis too, “Me, Da God Dat Get All Da Powa. Born plenny kids. Come plenny peopo. One nation, an plenny odda nations, Dey all goin come from you. Even goin get king guys Dat goin come from yoa ohana too.

Start 8:17

Bring outside all da diffren kine animals dat stay wit you—da birds, da animals, an tings dat crawl on top da groun—fo dem all get plenny kids an fill up da world.”

Start 9:1

God wen give Noah an his boys da powa fo do eryting he like um fo do. He tell um, “Born plenny kids now, an go fill up da world wit plenny peopo.

Job 40:15

“Look da big Behemot monsta! I wen make him da same way I make you. He eat green stuff an grass jalike one cow.

Job 42:12

Da One In Charge do plenny good tings fo Job afta dat, mo den befo time. He get fourteen tousan sheeps, six tousan camels, one tousan pair cows, an one tousan donkeys.

Songs 107:31

Good, dose peopo tell good tings Bout Da One In Charge Cuz he stay tight wit his peopo, An he do awesome kine stuff Fo peopo all ova da world.

Songs 107:38

God do good tings fo dem, An dey come choke plenny peopo. God no cut down da numba a dea animals.

Songs 128:3

Yoa wife, inside yoa house, Goin be jalike one grape plant Dat give plenny grape. Yoa boys dat sit aroun yoa table, Goin be jalike da keikis Dat grow up aroun da olive tree.

Smart Guys 10:22

Wen Da One In Charge do good tings fo peopo, He give dem plenny good stuff. He no give problem same time.

Prieses 26:9

“I goin make good to you guys. I goin give you guys plenny kids fo you come mo plenny peopo. I goin stick wit da deal I wen make wit you guys.