Start 1:16 - Hawaii Pidgin Bible

¹⁶ God make da two big lights. Da big light, he make um fo be da main one day time, an da odda light, he make um fo be da main one nite time.

Start 1:16 ပူးပေါင်းရင်းမြစ်များ

Start 1:15

I like get lights up dea inside da sky fo shine light all ova da world!” An dass wat God wen do.

Job 31:26

I no tink bout da sun cuz a how da sun shine, O bout da moon, cuz a how da moon move awesome kine.

Job 38:7

Az was da time all da morning stars wen sing togedda, An all da peopo inside da sky wit me God, Dey yell cuz dey stay good inside!

Songs 148:3

Jalike peopo tell good tings Bout Da One In Charge, Az good fo da sun an da moon Do da same ting too! An same ting fo all da stars dat shine!

Songs 148:5

I like fo all dem tell good tings, Cuz dey know wat kine god Da One In Charge! He wen tell wat suppose to happen Inside da sky, An cuz a dat, az wat wen happen Up dea.

Songs 19:6

Da sun come up from da east side An go all da way to da odda side. No mo notting dat can run away Fo no come hot wen da sun go ova him.

Songs 74:16

You, da boss fo da day time, An fo da nite time too. Was you wen set up da sun An da odda tings dat shine light.

Songs 8:3

Yoa sky, weneva I tink bout um An see da tings up dea dat you wen make wit yoa hands, Da moon an da stars dat you wen put dea,

Isaiah 13:10

Da stars in da sky an da kine pichas dey make Dey no goin get light dey make. Da sun goin come up dark. Da moon no goin get light.

Isaiah 24:23

“Den da bright moon no need shine Cuz no need da light. An da hot sun no need shine Cuz no need um fo stay warm. Az cuz dat time, Da One In Charge, Da God Ova All Da Armies, He goin be da king On top Zion hill wea da Temple stay Inside Jerusalem town. In front da older guys dat lead his peopo He goin show how awesome he stay.”

Isaiah 40:26

Eh, you guys, look up inside da sky! Who you tink wen make all dis stuff?! Az da same One bring out da stars one by one. Get plenny a dem, jalike one army! He call da name fo ery star. Cuz God stay strong an get plenny powa, Ery star stay dea wen he call dea name.

Isaiah 45:7

I make da light an da dark. I make good kine stuff happen, An I make bad kine stuff happen. Me, Da One In Charge, da One dat stay do all dis kine stuff.

Jeremiah 31:35

Dis wat Da One In Charge tell, Da One dat tell da sun fo shine day time, An tell da moon an stars dey suppose to shine nite time, Da One dat make da ocean move So da waves make big noise— Da One In Charge, da God Ova All Da Armies, do dat. Dass wat kine god him!

Habakkuk 3:11

Da sun an da moon no move inside da sky Wen yoa arrows shine an go flying, An yoa spear shine an go fas jalike lightning.

Matthew 24:29

“Right afta dat time fo suffa plenny, dis wat goin happen: “ ‘Da sun goin come black. Da moon no goin shine. Da stars goin fall down from da sky. An all da spirits inside da sky dat get plenny powa, Dey goin come all hamajang.’

Matthew 27:45

Noon time get real dark all ova da place fo three hour.

1 Corint 15:41

Da sun awesome, but not same kine awesome jalike da moon. An da moon stay awesome, but not jalike da stars, aah? An da stars, dey awesome too, but diffren kine awesome. An da way one star shine, anodda star shine diffren, but all stay awesome still yet, you know.

Rules Secon Time 4:19

An wen you guys look up inside da sky an see da sun, da moon, an da stars—all da tings dat get inside da sky—no tink you gotta go down pray to dem an do stuff fo dem, notting. Yoa God, Da One In Charge, wen make all dose tings! He give um to all da peopos inside da world.

Jesus Show 21:23

Da town no need da sun o da moon fo shine on top um, cuz God stay awesome, an God light shine on top um, an God Bebe Sheep Guy jalike da lamp.