Start 1:14 - Hawaii Pidgin Bible

¹⁴ Den God tell, “I like put lights up dea inside da sky, da sun an moon an stars! Dass fo make da day time diffren den da nite time. Dass fo show da parts a da year fo do tings, an da days an da years.

Start 1:14 ပူးပေါင်းရင်းမြစ်များ

Start 1:13

Had da nite time an da day time, az day numba three.

Start 1:15

I like get lights up dea inside da sky fo shine light all ova da world!” An dass wat God wen do.

Start 8:22

“From now till da world pau, Goin get time fo plant seed an fo harves food. Cold time an hot time, Summa time an winta time, Day time an nite time, Goin stay lidat foeva.”

Start 9:13

“My rainbow in da heavy clouds, Dass da sign I give you guys. Erytime get rainbow, Dat goin be da sign fo make you guys no foget Dat I wen make dis deal fo you an fo da whole world!

Job 25:3

Can count how much army guys God get?! No can! Get anybody his light no reach?! Not even!

Job 25:5

Even da moon look jalike no shine, in front God. An da stars not clean da way he see um.

Job 3:9

I like da early morning stars fo dat day come dark. Da peopo dat wait fo da day time dat no goin come, Dey no goin spock da early morning light.

Songs 119:91

Da way you set up eryting, Dass how you plan um Fo work fo you.

Songs 148:3

Jalike peopo tell good tings Bout Da One In Charge, Az good fo da sun an da moon Do da same ting too! An same ting fo all da stars dat shine!

Songs 148:6

Da One In Charge, he wen put um Wea dey suppose to be Fo stay dea foeva. He wen make one rule fo dem, An dat rule no goin change.

Songs 150:1

Eh you guys! Tell good tings Bout Da One In Charge! Tell good tings bout God, Inside da place dat stay spesho fo him! Tell good tings bout Da One inside da sky Cuz da sky show dat he strong!

Songs 81:3

Wen da month start, da new moon time, Blow da sheep horn trumpets! Same ting Fo oua spesho religious kine ceremony Wen da moon come full!

Isaiah 40:26

Eh, you guys, look up inside da sky! Who you tink wen make all dis stuff?! Az da same One bring out da stars one by one. Get plenny a dem, jalike one army! He call da name fo ery star. Cuz God stay strong an get plenny powa, Ery star stay dea wen he call dea name.

Jeremiah 10:2

Dis da message from Da One In Charge. Dis wat he tell: “No go learn how fo do stuff Da way da odda peopos do um. Dose peopos come all sked Wen dey see da star pichas inside da sky, But you guys, no let dat kine stuff make you guys sked.

Jeremiah 31:35

Dis wat Da One In Charge tell, Da One dat tell da sun fo shine day time, An tell da moon an stars dey suppose to shine nite time, Da One dat make da ocean move So da waves make big noise— Da One In Charge, da God Ova All Da Armies, do dat. Dass wat kine god him!

Jeremiah 33:20

“Dis wat me Da One In Charge tell: You tink can broke da deal I wen make bout da day time an da nite time, fo make da day time an da nite time no follow each odda?! No can!

Jeremiah 33:25

Dis wat Da One In Charge tell: “But I make one deal bout da day time an da nite time. Az da rules dat stay fo da sky an da earth!

Ezekiel 46:1

“ ‘Dis wat Da One In Charge, da Boss, tell: Da gate fo da inside open lanai dat go east goin stay shut fo six days wen da peopo work, but fo da Res Day, an da New Moon day goin stay open.

Ezekiel 46:6

Fo da New Moon spesho religious ceremonies, he goin give one young boy cow, six bebe sheeps, an one boy kine sheep, all wit no mo notting wrong wit um.

Joel 2:10

Da earth shake in front um. Da sky shake too. Da sun an da moon come dark. Da stars no shine no moa.

Joel 3:15

Da sun an da moon goin come dark, An da stars no goin shine.

Amos 5:8

“God, he da One wen make da stars— Da Pleiades an Orion stars, He change da real dark time an make um come morning time, He change da day time an make um come dark fo nite time. He tell da watta fo come up outa da ocean fo make rain clouds, Den he pour um out on top da groun. Da Boss, Da One In Charge, dass his name, cuz dass who him!

Amos 8:9

Da One In Charge a me tell dis too: “Wen da time come, I goin make da sun come dark noon time. Dass wen da whole world goin come dark, no matta day time.

Matthew 2:2

“Wea da boy dat born, da King fo da Jews? We wen spock one star come up da east side dat show dat he born awready, an we come hea fo go down in front him an show him plenny respeck.”

Matthew 24:29

“Right afta dat time fo suffa plenny, dis wat goin happen: “ ‘Da sun goin come black. Da moon no goin shine. Da stars goin fall down from da sky. An all da spirits inside da sky dat get plenny powa, Dey goin come all hamajang.’

Mark 13:24

“Right afta dat time fo suffa, Da sun goin come black. Da moon no goin shine.

Luke 23:45

cuz da sun pau shine. Da big curtain inside da Temple broke in half.

Rules Secon Time 4:19

An wen you guys look up inside da sky an see da sun, da moon, an da stars—all da tings dat get inside da sky—no tink you gotta go down pray to dem an do stuff fo dem, notting. Yoa God, Da One In Charge, wen make all dose tings! He give um to all da peopos inside da world.

Jesus Show 6:12

An jalike one dream, I watch wen da Bebe Sheep Guy broke open da numba six seal on top da paypa. Right den an dea da earth shake real hard all ova! Da sun come real dark, an da moon come red jalike blood.

Jesus Show 8:12

Da numba four angel guy blow his trumpet, an someting hit thirty percent a da sun, thirty percent a da moon, an thirty percent a da stars, an dey come dark. Da day time, thirty percent mo dark, an da nite time, thirty percent mo dark.

Jesus Show 9:2

Da star open da Deep Dark Hole wit da key, an da smoke come outa da hole, jalike da kine smoke from one mangus imu. Da smoke from da hole make da sun an da sky come dark.