Start 1:12 - Hawaii Pidgin Bible

¹² So da land get all diffren kine plants, da kine plants dat get seed, an da kine trees dat get fruits wit da seed inside, eryting. An God look da plants, an he tell, “Real, real good, all dat!”

Start 1:12 ပူးပေါင်းရင်းမြစ်များ

Start 1:11

Den God tell, “I like da land get all diffren kine plants! Da kine plants dat get seed, an da kine trees dat get fruits wit da seed inside, eryting!” An dass wat God do.

Start 1:13

Had da nite time an da day time, az day numba three.

Songs 104:14

God da one make da grass come up Fo da cows, An plants fo da peopo farm um Fo dem make food Come outa da groun.

Isaiah 61:11

Cuz jalike da groun make da plants come up, An da garden make da seeds grow, Dass how Da One In Charge a me Goin make peopo get um right wit him An tell good tings bout him In front da peopos from all da diffren countries!

Mark 4:28

Da dirt no need nobody fo help um make da wheat. Firs da stalk come, den da head, den da food inside da head.

Luke 6:44

You know da kine tree from da kine fruits dey give. No can pick da fig o da grape from da kine tree wit thorns.

2 Corint 9:10

God give seed to da farma guys dat plant seed. God give us bread fo eat. Dat same God goin help you guys do da right ting mo an moa, jalike you farma guys an he goin give you guys mo an mo seed fo plant.

Galatia 6:7

No bulai yoaself. Nobody no can make fun a God. Jalike da farma get back da same kine crop he wen plant, erybody goin get back da same kine ting dey wen do.

Hebrews 6:7

You know, wen da groun take in da watta erytime get rain, an dat make da plants da farma guys grow fo da peopo, an da groun come good, den God tell, “Az good how da groun stay!”