Start 1:11 - Hawaii Pidgin Bible

¹¹ Den God tell, “I like da land get all diffren kine plants! Da kine plants dat get seed, an da kine trees dat get fruits wit da seed inside, eryting!” An dass wat God do.

Start 1:11 ပူးပေါင်းရင်းမြစ်များ

Start 1:12

So da land get all diffren kine plants, da kine plants dat get seed, an da kine trees dat get fruits wit da seed inside, eryting. An God look da plants, an he tell, “Real, real good, all dat!”

Start 1:29

An God tell dis too: “You know wat? I give you guys all da plants all ova da world dat make seed, an all da trees dat make fruits wit da seed inside. Dass fo you guys eat.

Start 2:16

God tell um wat he gotta do, “All da trees inside dis place, you can eat da fruits from dem, wateva you like.

Start 2:5

all ova da world, neva even have wild bushes country side. Neva have da kine grass dat come up country side, cuz God, Da One In Charge, neva make da rain come down on top da groun yet, an cuz neva have nobody fo work da groun.

Start 2:9

God, Da One In Charge, make da trees grow outa da groun, all nice kine tree fo look at, da kine dat make fruits good fo food. Inside da place dat get all da trees, inside da middo, had one Tree Dat Can Make You Live Foeva if you eat da fruit, an one Tree Dat Can Make You Know Wass Good An Wass Bad if you eat da fruit.

Job 28:5

Food come from on top da groun, But undaneat, gotta use fire fo change wat get.

Songs 1:3

Dat kine peopo, dey jalike da trees Dat peopo plant nea da watta ditch, An ery year da tree give fruits Da right time An da leafs no come all dry an fall down. Eryting dose peopo do, Come out good fo dem.

Songs 147:8

Da One In Charge, he da One Dat make da clouds cova da sky, An give da groun enuff rain, An him da one dat make da grass Come up all ova da mountains.

Isaiah 61:11

Cuz jalike da groun make da plants come up, An da garden make da seeds grow, Dass how Da One In Charge a me Goin make peopo get um right wit him An tell good tings bout him In front da peopos from all da diffren countries!

Jeremiah 17:8

Dey goin be jalike da trees dat somebody plant nea da watta. Dea roots go to wea da watta go. Dat kine tree, no stay sked wen da hot time come. Da leaf stay green erytime. Even da years wen no mo rain, da tree no need worry. Dat kine tree erytime goin get fruits.”

Matthew 3:10

Awready get one guy wit one ax, all ready fo cut da tree roots. All da trees dat no make good fruit, he goin cut um, an throw um inside da fire.

Matthew 6:30

Da grass inside da field stay grow today, but tomorra dey goin throw um inside da fire. God give da grass clotheses lidat, so garans he goin give you guys clotheses. You guys ony trus God litto bit!

Mark 4:28

Da dirt no need nobody fo help um make da wheat. Firs da stalk come, den da head, den da food inside da head.

1 Corint 15:38

But God, he da One dat make da seed, an he da One make how da plant goin look wen come up. Ery diffren kine seed, wen start fo grow goin look diffren.

Hebrews 6:7

You know, wen da groun take in da watta erytime get rain, an dat make da plants da farma guys grow fo da peopo, an da groun come good, den God tell, “Az good how da groun stay!”

James 3:12

Eh, my braddahs an sistahs! You tink you goin get olive from da fig tree? O fig from da grape plant? No way! Same ting, you no can get good kine watta fo drink from da no good watta. No good if da good kine tings an da bad kine tings come outa da same mout.