Songs 99:6 - Hawaii Pidgin Bible

⁶ Moses an Aaron, dey was pries guys Dat work fo God. Samuel too, he was one a dem guys Dat wen tell God fo help um Cuz dey know who him. All dem guys, wen dey yell To Da One In Charge fo help um, Da One In Charge lissen dem An help um.

Songs 99:6 ပူးပေါင်းရင်းမြစ်များ

Outa Egypt 14:15

Den Da One In Charge tell Moses, “Eh! How come you stay yelling to me fo help you? Tell da Israel peopo make ready fo go.

Outa Egypt 15:25

Moses yell fo help to Da One In Charge an he show Moses one tree. Moses take one branch an throw um inside da watta, an da watta come good fo drink. Den God make one rule fo da peopo dat stay dea. Same time, God check out da peopo fo know if dey goin stick wit him.

Outa Egypt 17:4

Den Moses, he call out to Da One In Charge fo help him. He tell, “Eh! Wat I goin do wit dis peopo? Dey litto mo ready fo throw stone fo kill me!”

Outa Egypt 32:30

Da nex day, Moses tell da peopo, “Da stuff you guys wen do, was plenny bad. Still yet, I goin go back up da mountain by Da One In Charge. Maybe I can do someting fo him let you guys go fo da bad ting you wen do, an hemo yoa shame, fo make you guys come pono wit him one mo time.”

Jeremiah 15:1

Den Da One In Charge tell me: “No matta if Moses an Samuel stay stan in front me praying, no way I goin feel pity fo dis peopo! Take dis peopo away from me!