Songs 99:2 - Hawaii Pidgin Bible

² Da One In Charge, he da importan one On top Zion Hill, Jerusalem town. He mo importan Den all da diffren peopos.

Songs 99:2 ပူးပေါင်းရင်းမြစ်များ

Songs 113:4

He mo big den all da diffren peopos. Da One In Charge, he da greates, He mo big den even da sky!

Songs 47:3

God make us Israel guys win Ova da odda nations, Fo make da odda peopos oua prisonas.

Songs 47:8

God, he stay da king Ova da whole world. He stay sit on top da throne Dat stay spesho fo ony him.

Songs 50:2

From Mount Zion, Da bestes looking place, Dass da place wea God show How awesome he stay!

Songs 66:7

God da One get da right Fo stay in charge foeva, Cuz he strong. All da time he stay watch Da diffren nations real good. Da nations dat like go agains him, No good dey tink dey mo big den him. (Time out fo da music.)

Songs 97:9

Cuz you, Da One In Charge, You da mos importan one In da whole world! Erybody know, you mo importan Den all da odda gods!

Isaiah 12:6

Yell loud! Yell cuz you guys feel good inside, All you peopo dat live inside Jerusalem town! Cuz da Good An Spesho God fo da Israel peopo Stay wit all you guys, Az why you know he da greates!”

Isaiah 14:32

Wen da messenja guys from dat army aks you If you guys goin give up, Tell um, “No way! Was Da One In Charge Dat put his big town Jerusalem hea. Fo da peopo dat need help, Dey can go inside Jerusalem An nobody goin hurt um dea.”

Census 23:21

“Da One In Charge look da Jacob peopo, An dey no stay do wat dey not suppose to do. No mo trouble dea fo da Israel peopo. Dea God Da One In Charge stay wit dem. Dey yell cuz he dea king, An az why dey feel good inside!