Songs 99:1 - Hawaii Pidgin Bible

¹ Da One In Charge, he da king! Az why all da peopos Stay sked an shaking! He get his throne Above da awesome angel watcha guys. Az why da groun shake too.

Songs 99:1 ပူးပေါင်းရင်းမြစ်များ

2 Samuel 6:2

Him an all his guys go out to Baalah town Judah side, fo bring to Jerusalem da Box Fo No Foget Da Deal Wit God. Dat Box stay fo make peopo no foget wat kine god Da One In Charge, Da God Ova All Da Armies. He da One get his throne inside da middo a da two spesho angel watcha guy statues dat stay on top da Box.

1 Records 16:30

Erybody on top da earth, stay sked an shaking in front him! No matta da earth stay solid an no can move um.

Songs 18:10

Jalike God fly down, riding On top one a da awesome tings dat stay alive an go ery place God go An stay by his throne, Jalike he get wings wit da wind undaneat, Fo dive down an grab someting!

Songs 2:6

“No matta wat you guys tink, I awready wen give My king guy da powa Fo stay in charge fo me! He da king on top Zion Hill, Jerusalem town, On top da mountain Dass spesho fo me!”

Songs 80:1

You da one dat take kea Us Israel ohana guys Jalike one sheep guy Take kea his sheeps. You da one dat show Da Joseph ohana guys wea fo go, Jalike one sheep guy Show his sheeps wea fo go. So, lissen wat I tell! From da place you stay, Ova da Box Fo No Foget Da Deal, Wea da awesome angel watcha guys Stay on top— Show how strong you!

Songs 80:2

So, let yoa peopo see you, Da ones from da Efraim an Benjamin An Manasseh ohanas! Show you strong, an come by us guys Fo get us outa trouble!

Songs 82:5

“Dem odda ‘gods,’ da ones in charge, Dey donno notting! Dey no undastan notting! Any place dey go, bad tings happen Jalike inside one dark place! Eryting dat make da world solid Stay shaking cuz a dem!”

Songs 93:1

Da One In Charge, he da king! He stay awesome an strong Jalike he wear king kine robes! He wen put da world in da right place, An no mo notting can shake up Da world from dea!

Songs 96:10

Tell all da diffren nations, “Da One In Charge, he da King! Fo shua, da world stay solid, No can throw um off. Wen Da One In Charge judge all da diffren peopos, He judge um da right way!”

Songs 96:9

Wen Da One In Charge let you see How good an spesho he stay, Go down in front him Fo show love an respeck! You peopos from all ova da world, Goin come sked an shaking in front him!

Songs 97:1

Da One In Charge, he da king! I like erybody inside da world Stay good inside cuz a dat! I even like all da islans Go dance an sing!

Songs 97:4

Weneva he make lightning Light up da world! Da world see wass happening An shake plenny.

Outa Egypt 25:22

Az da place wea I goin meet wit you guys. I goin talk wit you from da spesho place wea I goin hemo da shame fo da bad tings da peopo do, fo make um come pono wit me, right dea in da middo a da two statues dat look jalike da awesome angel watcha guys, dat stan ova da Box Fo No Foget My Deal. From dat place, I goin tell you eryting da Israel peopo gotta do.

Isaiah 19:14

Da One In Charge, him da one wen make da Egypt peopo So dey no can tink strait. Cuz a Da One In Charge, da leada guys make dea peopo Go da wrong way bout eryting dey stay do. Da Egypt peopo, dey jalike one piloot guy Dat stay fall all ova, even in his puke.

Jeremiah 4:24

I look da mountains. Dey stay shake jalike get earthquake! I look da hills. Dey stay move dis side an dat side!

Jeremiah 49:21

Wen da Edom peopo fall down, Da earth goin shake! Erybody goin hear um all da way to da Red Sea.

Jeremiah 5:22

Da One In Charge tell, “I da One you guys betta watch out! You betta come sked a me! Wen you stay in front me, You guys goin shake cuz you sked! I wen put da sand by da sea edge. Da sand make da ocean stay dea foeva. Da waves come in an go out, An dey no can do notting. Da wave make big noise, But dey no goin go ova da sand.

Jeremiah 50:46

Wen da odda armies take ova Babylon town, Da noise goin make da earth shake. Da Babylon peopo goin yell loud fo help. An all da diffren peopos goin hear dat.

Ezekiel 43:7

He tell, “Eh! Fo Real Kine Guy! Dis da place fo my throne, da place wea I goin res my feets. Dis wea I goin live wit da Israel peopo foeva. Da Israel ohana no goin give me one bad rep no mo cuz I stay good an spesho. Dose peopo an dea kings no goin make lidat no mo too. Dey no goin fool aroun no mo wit da idol kine gods dat no stay alive. An dey no goin go down in front da idol kine gods by dea sacrifice places on top da hills no moa.

Luke 19:12

Jesus tell, “Had one alii dat wen go one far place fo come king an den come back.

Luke 19:14

But da peopo hate da alii guy, an dey sen guys to da odda place fo tell, ‘We no like dis guy fo come oua king.’

Luke 19:27

Da guys dat stay agains me an no like me fo come dea king—bring um ova hea, an kill um in front me.’ ”

Philippi 2:12

So den, my good frenz, you guys erytime stay do wat God tell you fo do. Wen I was wit you guys, dass how you guys wen live. An now, wen I not wit you guys, you guys stay do um even mo plenny. Do eryting you guys gotta do cuz God take you guys outa da bad kine stuff you wen do befo time. Do um jalike you guys sked an shaking in front God.

Jesus Show 11:17

Dey tell, “Eh, God! Mahalo plenny! You Da One In Charge, Da God Dat Get All Da Powa! You stay now, An wen stay befo time! Now you stay show all yoa powa, An you start fo take charge a all da peopo inside da world!

Jesus Show 20:11

Den, jalike one dream, I spock one big white throne, an da One dat sit on top um. Da earth an da sky disappea from him, an nobody eva see dem no moa.

Jesus Show 6:14

Da sky move away, jalike wen you roll up one paypa! All da mountains an all da islans move to diffren place.