Songs 97:9 - Hawaii Pidgin Bible

⁹ Cuz you, Da One In Charge, You da mos importan one In da whole world! Erybody know, you mo importan Den all da odda gods!

Songs 97:9 ပူးပေါင်းရင်းမြစ်များ

1 Records 17:20

“You Da One In Charge. No mo nobody jalike you. No mo anodda God, ony you. Az jalike wat us guys hear erytime.

Songs 135:5

Me, I know dis: Da One In Charge, He awesome! Oua Boss guy, he mo awesome Den all da odda gods!

Songs 136:2

From all da odda gods, God, he da importan one. So tell good tings Bout Da One In Charge, Cuz he stay tight wit his peopo foeva!

Songs 83:18

You, yoa name Da One In Charge! I like dose peopos know Dat no mo anodda god jalike you! You da God Dass Mo Importan Den All Da Odda Gods! You stay in charge a da whole world!

Songs 92:9

Dis fo shua: Da peopo dat stay agains you, Da One In Charge, Dey goin come mahke die dead! Da ones dat stay do wass wrong, Dey goin run away all ova da place!

Songs 95:3

Cuz Da One In Charge, Him da God dass fo real! Him da awesome King dat get da powa Ova all da odda gods.

Songs 96:4

Cuz Da One In Charge, he big! Good fo erybody tell Good tings bout him! You gotta get respeck fo him, Mo den fo all da odda gods!

Outa Egypt 18:11

Now I know fo shua, dat Da One In Charge, mo importan den all da odda gods, no matta da Egypt peopo make any kine to you guys!”

Isaiah 33:5

Da One In Charge, he da greates! He live high on top da mos importan place! All ova Jerusalem town He goin make shua da judge guys judge da right way An da peopo do right kine tings.

Jeremiah 10:10

But Da One In Charge, he da ony god dass fo real. He da God dat stay alive an stay da king foeva. Wen he come huhu, da earth shake. Da diffren peopos no can handle Wen he no like wat dey do.

Jeremiah 10:8

Dea smart guys, dey no can tink mo betta den da animals, An dey do stupid kine stuff. Fo shua, no can learn wat fo do From da idol kine gods dey make from wood!

Efesus 1:21

Dat show dat Christ mo importan den all da kine leadas inside da sky an all ova da place. He mo importan den da leadas dat get da right fo tell odda peopo wat fo do. An he mo importan den all da guys dat get powa fo do tings to odda peopo, all da ones in charge a someting, an all da guys dat get one big name. Christ, he stay da mos importan leada now, an he goin be da mos importan leada fo da time dat goin come bumbye.