Songs 97:2 - Hawaii Pidgin Bible

² Us guys no can see Wat Da One In Charge stay do, Cuz heavy an dark, Da clouds all aroun him! Us know he goin stay da king foeva, Cuz he do wass right erytime, An he judge da right way erytime.

Songs 97:2 ပူးပေါင်းရင်းမြစ်များ

Start 18:25

No can be dat you goin wipe um all out, da way you wen tell! If you kill da peopo dat do da right ting, same time you kill da bad peopo, den dat mean you tink dey not diffren, da peopo dat do da right ting an da bad peopo! No can be! You da Judge fo all da peopo inside da world. So den, you gotta make diffren kine to da good peopo an to da bad peopo!”

Job 23:14

Cuz he goin make happen wat he plan fo do fo me. An he get plenny mo plan fo wat he goin do fo me.

Job 26:9

He hide da full moon so no can see um. He spread his clouds all ova um.

Songs 77:19

Da way you wen go was right thru da ocean. Yoa road, wea get da big watta, Nobody know az was yoa footprints.

Songs 89:14

You get da right fo stay in charge Cuz you da king, Cuz you erytime do da right ting An you fair wit erybody. Wit you, erybody know You stay tight wit yoa peopo, An wateva you tell you goin do, You do um erytime.

Songs 89:15

Eh! You Da One In Charge! Da peopo dat wen learn How fo tell dat you da bestes, Dey can stay good inside fo real kine. Ery place dey go, You show um wat fo do, Cuz you stay wit um, Jalike you da light fo dem.

Songs 99:4

Eh God! You da strong king. You get love an aloha Fo whoeva do da right ting! You da One dat tell Wass da bestes way fo da Israel peopo An you set up da rules fo dem, How fo do wass right.

Outa Egypt 19:9

Da One In Charge tell Moses, “I goin go by you inside one heavy cloud. I goin do dat, so da peopo goin hear me wen I talk to you. Cuz a dat, dey goin trus you foeva.” Afta Moses tell God wat da peopo wen promise fo do,

Outa Egypt 20:21

Da peopo stay far away from dea. But Moses, he go strait ova dea, nea da dark cloud wea God stay.

Smart Guys 16:12

Wen peopo do bad kine stuff, Da king know az pilau. Fo his govmen stay long time, Erybody gotta do wass right.

Nahum 1:3

Da One In Charge no get huhu real fas. He get plenny powa. He erytime punish da peopo dat get da blame. He show his powa inside da tornado an da storm. Da clouds, jalike da dus his feets kick up.

Rome 11:33

Ho, God! He unreals smart! God, he know how fo use all his smarts! An he know eryting! No mo nobody undastan how he make up his mind! No mo nobody can figga out how come God do wat he do! Jalike da Bible tell befo time: