Songs 96:8 - Hawaii Pidgin Bible

⁸ Tell dis too: “Da One In Charge, We know wat kine god him, An he awesome fo shua!” Wen you go inside Da open lanai fo his Temple, Bring someting fo show You get respeck fo him.

Songs 96:8 ပူးပေါင်းရင်းမြစ်များ

Songs 100:4

Wen you go thru da gate to his place, Tell him “Mahalo!” Wen you go inside Da open lanai fo his Temple, Tell erybody he da greates! Tell um dat you his peopo, An dat you know he da kine God Dat stay do good tings fo you guys!

Songs 111:9

He wen do wat he gotta do Fo get his peopo outa trouble. He wen tell dat Da deal he wen make wit dem, Goin stay foeva. Wen you know wat kine god him, You know dat he stay good an spesho, An you know you betta Come sked a him.

Songs 116:19

Inside da open lanais aroun da Temple Fo Da One In Charge, In da middo a Jerusalem town! Eh you guys! Tell good tings Bout Da One In Charge!

Songs 29:2

Tell Da One In Charge, You know wat kine god him, an he awesome! Wen you go down in front Da One In Charge, Put on spesho kine clotheses Cuz he good an spesho.

Songs 45:12

You da princess from Tyre. Da rich peopo from dat land, Dey goin bring you all kine present Fo make you tink good bout dem.”

Songs 72:10

I like fo da king guys from Spain An all da islans Come back to oua king Fo give um gifs. I like fo da king guys From Yemen an Ethiopia Bring wat dey owe Fo show he da boss fo dem.

Ezekiel 46:3

Da Res Days an da New Moon days, da peopo inside da land goin show love an respeck in front me, Da One In Charge, by da door fo da gate.

Malakai 1:11

“All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.

Rome 12:1

My braddahs an sistahs, so den, wat? God, he give you guys plenny chance. Az why I like tell you dis: Let God stay in charge a you, jalike you give God one sacrifice dat stay alive. You guys know wat God like fo you guys do? He like you guys go all out fo him. Wen you make lidat, az good you know, cuz dass how you show God love an respeck.

Rome 15:16

God wen make me one worka guy fo Jesus Christ fo tell all da diffren peopos da Good Stuff Bout God, jalike one pries guy. God do dat cuz he like all da diffren peopos come jalike one present fo him dat make him come good inside. An da Good An Spesho Spirit goin make dose peopos be good an spesho fo God.

Philippi 2:17

Da way you guys trus God, he like dat. Dass jalike you stay make one spesho sacrifice fo him. Same ting wit me—even if da odda peopo make me bleed an mahke, dass jalike fo pour wine on top da sacrifice you guys stay make. I goin feel real good inside bout dat, an bout wat stay happen wit you guys too!

Philippi 4:18

Me, I get eryting I need, an mo plenny still yet. I get enuff cuz a all da gifs you guys give Epafroditus fo give me. God like wat you guys wen do. Dass jalike da kine sacrifice dat smell real nice to him.

Hebrews 13:13

Eh! We go make same same jalike Jesus. We let da peopo make any kine to us, jalike dey wen make any kine to Jesus fo make him come shame.

1 Peter 2:5

Eh, you guys, come tight wit Christ fo God use you guys too, jalike you guys da stones fo make one place fo God Spirit. An you guys stay alive fo real kine too, jalike Christ. All you guys goin be jalike pries guys dat stay spesho fo God. Jalike you guys goin give sacrifices to God, da kine sacrifices God like, cuz Jesus Christ wen mahke fo all you guys.

Jesus Show 15:4

You Da One In Charge, An erybody goin get respeck fo you An tell how awesome you stay. Cuz you mo spesho an good den all da peopo. All da diffren peopos from all ova da world goin come, An show you love an respeck. Cuz dey wen see all da good an right tings You wen do!”