Songs 96:7 - Hawaii Pidgin Bible

⁷ Eh, all you diffren peopos, Wit all yoa ohanas, Tell dis: “Da One In Charge, he awesome! He strong!”

Songs 96:7 ပူးပေါင်းရင်းမြစ်များ

Songs 22:27

I like fo da peopo all ova da world, tink plenny bout you An tell dat you, Da One In Charge, da God fo dem, An come back fo be yoa peopo. I like fo da diffren ohanas from all da nations Go down in front you fo show respeck.

Matthew 6:13

Show us guys how fo no do bad kine stuff Wen somebody give us chance fo do um, But get us outa trouble from da Bad Guy. [Cuz you oua King, You get da real powa, An you stay awesome foeva. Dass it!]’ ”

Luke 2:14

“Up inside da sky wea God stay, He stay awesome! An ova hea on top da earth, If God like wat peopo stay do, He goin make dem So notting bodda dem.”

1 Peter 5:11

God, he get all da powa foeva. Dass right!

Jesus Show 14:7

Da angel talk wit one loud voice, an tell, “Show respeck fo God an tell how awesome he stay! Cuz da time stay now wen he goin come da Judge fo erybody. Show love an respeck to da One dat wen make da sky, da earth, da ocean, an da pukas wea get watta.”

Jesus Show 19:1

Afta da big angel guy talk, jalike one dream, I hear one big noise dat soun like get plenny peopo inside da sky. Dey stay sing, “God, he da greates! Hallelujah! He take us outa da bad kine stuff we stay in! He da awesome One! An he da One dat get plenny powa!

Jesus Show 19:6

Den I hear someting dat soun like get plenny peopo making big noise, jalike big watta pounding, an jalike loud thunda. Dey tell, “God, he da greates! Hallelujah! Cuz he Da One Dat Stay In Charge, An he da King ova erybody! He Da God Dat Get All Da Powa!

Jesus Show 5:13

Den I hear eryting dat stay alive inside da sky, an on top da earth, an unda da earth, an inside da ocean—eryting inside da whole world, an dey stay sing lidis: “God, da One dat stay sit on top da throne, An God Bebe Sheep Guy, Us guys tell um dey get one good heart Cuz dey do plenny good tings. We show um plenny respeck, An we tell how awesome dem, An we tell dey get all da powa, Foeva an eva!”

Jesus Show 5:9

Den dey sing one new song, dat tell: “You da One dat get da right Fo take da paypa, Broke da wax kine seal, An open um. Cuz dey wen kill you jalike one sacrifice. You wen bleed an mahke, Fo pay da price fo bring peopo back to God, From ery ohana, an language, an peopo, an country.

Jesus Show 7:12

Dey tell, “Dis fo shua! God, we talk good bout you, You awesome! You know wat fo do erytime! Mahalo plenny! We get plenny respeck fo you! You get all da powa! You mo strong den anybody! You stay lidat foeva an eva! Dass fo shua!”