Songs 96:4 - Hawaii Pidgin Bible

⁴ Cuz Da One In Charge, he big! Good fo erybody tell Good tings bout him! You gotta get respeck fo him, Mo den fo all da odda gods!

Songs 96:4 ပူးပေါင်းရင်းမြစ်များ

2 Records 2:4

Now I goin start fo build one temple so erybody goin know wat kine god my God, Da One In Charge. I goin make da temple spesho fo him. Da pries guys goin burn incense dat smell nice in front him. Dey goin put out da spesho bread in rows ery day. Dey goin make one burn up kine sacrifice ery morning an ery aftanoon. Dey goin do dis ery week fo da Res Day, an ery new moon time, an fo da spesho religious ceremonies fo oua God, Da One In Charge. Dis goin be da kuleana fo da Israel peopo foeva.

Nehemiah 9:5

Den da main guys from da Levi ohana—dass Jeshua, Kadmiel, Bani, Hashabneiah, Sherebiah, Hodiah, Shebaniah, an Petahiah—dey tell da peopo, “Stan up! Tell erybody da good tings dat Da One In Charge do fo you guys. He stay da God fo you guys, from da time eryting wen start, an foeva an eva!” So den one a dem talk to God lidis: “We like tell erybody da good tings you do! We know you one awesome God! You do mo plenny good tings den us know how fo tell, An you mo awesome den awesome!”

Songs 145:3

Da One In Charge, he da One! Real good fo tell good tings bout him! He real big, no can figga out Eryting bout him!

Songs 150:2

Tell good tings bout God, Cuz God do tings fo show How strong him! Tell good tings bout how He mo importan den erybody!

Songs 18:3

Da One In Charge, he good, An az good fo erybody tell dat he good! An wen I yell fo him help me, He da One get me outa trouble From da peopo dat stay agains me!

Songs 48:1

Da One In Charge, he da greates! Real good fo erybody Tell he da greates Ova dea inside God town, On top da hill dat stay spesho fo him!

Songs 66:3

Tell God: “Skery, Da awesome tings you do! Cuz you get supa plenny powa, Even da peopo dat stay agains you Gotta tell dat you da greates, No matta dey no like talk lidat!

Songs 66:5

Go come ova hea! Look, da tings God do! Skery, da kine stuff he do!

Songs 76:7

But you, God, Dey betta come sked a you! No mo nobody can go agains you Wen you had it wit wat dey stay do!

Songs 86:10

Cuz you, you real big An you do awesome kine tings. You, you da ony one Dass God fo real kine!

Songs 89:7

Eh God, wen da ones dat stay spesho Fo you come togedda, You so awesome, dat dey all come sked! You mo skery den all da ones Dat stay aroun you!

Songs 95:3

Cuz Da One In Charge, Him da God dass fo real! Him da awesome King dat get da powa Ova all da odda gods.

Outa Egypt 18:11

Now I know fo shua, dat Da One In Charge, mo importan den all da odda gods, no matta da Egypt peopo make any kine to you guys!”

Jeremiah 5:22

Da One In Charge tell, “I da One you guys betta watch out! You betta come sked a me! Wen you stay in front me, You guys goin shake cuz you sked! I wen put da sand by da sea edge. Da sand make da ocean stay dea foeva. Da waves come in an go out, An dey no can do notting. Da wave make big noise, But dey no goin go ova da sand.

Daniel 2:47

Da king tell Daniel, “Fo shua yoa God stay da God ova all da odda gods, an da Boss ova us king guys. He da One dat show wat tings mean dat stay secret cuz you wen tell wat dis dream mean.”

Luke 12:5

But I show you who fo come sked bout—betta come sked a God, cuz he can kill yoa body an den he get da powa fo throw you inside Hell. Yeah, I tell you, he da One you gotta come sked bout!

Jesus Show 15:4

You Da One In Charge, An erybody goin get respeck fo you An tell how awesome you stay. Cuz you mo spesho an good den all da peopo. All da diffren peopos from all ova da world goin come, An show you love an respeck. Cuz dey wen see all da good an right tings You wen do!”

1 Samuel 4:8

Bummahs! Who goin help us win ova dea real strong gods? Dass da same gods dat wen wack da Egypt peopo real big time inside da boonies!