Songs 96:1 - Hawaii Pidgin Bible

¹ Sing one new song fo Da One In Charge! Erybody inside da world, Sing fo Da One In Charge!

Songs 96:1 ပူးပေါင်းရင်းမြစ်များ

Songs 149:1

Eh you guys! Tell good tings Bout Da One In Charge! Sing one new kine song Fo Da One In Charge! Wen all da peopo dat stay tight Wit him come togedda, Tell good tings bout him!

Songs 33:3

Sing one new song to him. Play um good, an yell Cuz you stay good inside!

Songs 66:4

Peopo all ova da world Go down in front you Fo show you love an respeck! Dey sing bout you Cuz dey know wat kine god you.” (Time out fo da music.)

Songs 68:32

Sing fo God, ery place Inside da world dat get one king! Make songs fo my Boss! (Time out fo da music.)

Songs 98:1

Sing one new song fo Da One In Charge, Cuz he wen do awesome tings! He da winna, Cuz he get plenny powa, An he no need nobody fo help him, Cuz he spesho!

Rome 15:11

Get anodda place inside da Bible dat David tell: “All you odda diffren peopos, Go tell how awesome an good Da One In Charge stay.”

Jesus Show 14:3

Dey sing one new song in front da throne, an in front da four tings dat stay alive an go ery place God go, an da older leadas. No mo nobody can learn da song, ony da 144,000 peopo on top da earth dat God wen pay da price fo get um back fo him, dey can learn um.

Jesus Show 5:9

Den dey sing one new song, dat tell: “You da One dat get da right Fo take da paypa, Broke da wax kine seal, An open um. Cuz dey wen kill you jalike one sacrifice. You wen bleed an mahke, Fo pay da price fo bring peopo back to God, From ery ohana, an language, an peopo, an country.