Songs 94:10 - Hawaii Pidgin Bible

¹⁰ Da one dat stay punish da nations— You tink he no goin punish You guys too?! Da one dat stay teach peopo eryting— You tink he donno wat you guys do?!

Songs 94:10 ပူးပေါင်းရင်းမြစ်များ

Job 28:28

An he tell da peopo, ‘You know wat?! If you get choke respeck an stay sked a da Boss Up Dea, Den you goin know wat fo do erytime! An if you stay away from da bad kine stuff, Dat goin show you undastan plenny!’ ”

Job 34:29

But if God stay quiet, nobody goin poin finga him. If he hide his face, nobody can find him. Still yet, he stay in charge a da peopo an da nations same same.

Job 35:11

Him, da One dat teach us guys mo den he teach da animals on top da earth, An make us know mo betta wat fo do, den da birds inside da sky.’

Songs 10:16

Eh! You Da One In Charge! You da King foeva! All da odda peopos dat donno you, You goin hemo dem from yoa land foeva!

Songs 119:66

Teach me how fo tink good, An fo know wass right an wass wrong, Cuz I trus you Wen you tell me fo do stuffs.

Songs 149:7

Fo pay back da bad kine tings Da diffren nations wen do. Fo shua, dey goin punish Da diffren peopos.

Songs 44:2

Was cuz a yoa powa Dat you wen throw out Da odda peopos. Dis jalike you wen plant yoa peopo Ova hea. You wen hurt da odda peopos plenny, An make yoa peopo grow plenny.

Songs 9:5

You tell da diffren peopos dat donno you, Dat you had it awready wit wat dey stay do. You wipe out da peopo dat do bad kine stuff. You make erybody foget who dem, foeva.

Smart Guys 2:6

Cuz Da One In Charge, he da One Dat teach peopo wat fo do. Da stuff he tell, Dass wat goin make you know stuff An undastan stuff.

Isaiah 10:12

Wen God my Boss pau all he goin do on top Mount Zion inside Jerusalem town wea da Temple stay, den God goin tell, “Now I goin punish da king fo Assyria, cuz he get big head an high nose.

Isaiah 2:3

Den plenny peopos goin go dea an tell, “Come on. We go up da hill wea da Temple stay, Da Temple Fo Da One In Charge, da God Jacob pray to. He goin teach us guys wat he like us fo do, An we goin do um.” Wat Da One In Charge teach goin come from him, From Zion Hill inside Jerusalem town.

Isaiah 28:26

Cuz da God da farma guys pray to Make shua dey know how fo do um, He show um da right way.

Isaiah 37:36

Den one angel messenja guy from Da One In Charge go out fo fight. He kill 185,000 army guys inside da Assyria camp. Wen da odda peopo ova dea get up early da nex morning, get plenny mahke bodies all ova da place!

Isaiah 54:13

“Me, Da One In Charge, I da One Goin teach all yoa peopo. I goin make eryting come plenny good fo dem.

Jeremiah 10:25

Mo betta you throw yoa huhu On top da nations dat donno you, An wit da ohanas dat donno wat kine god you, An dey no call you fo help dem. Cuz dem, dey kill us peopo dat get Jacob fo oua ancesta, An dey bus up da land wea we live.”

Ezekiel 39:21

“I goin show da diffren peopos dat I stay awesome. Dey all goin see how I punish peopo an da powa I get fo go agains dem.

Amos 3:2

He tell: “You guys, you da ony peopo dat I wen pick, From all da ohanas dat get all ova da world! Az why, you da peopo dat I goin punish Fo all da bad kine stuff you stay do.”

Habakkuk 1:12

You, Da One In Charge! You my God! You stay alive from befo time An you no goin mahke! You my God dat stay good an spesho. You Da One In Charge! You wen pick da Babylon guys fo pay us back. You strong, jalike one cliff. You wen pick dem fo punish us guys!

Habakkuk 3:12

You stay huhu, an you walk thru da earth. You huhu, an you make to da nations Jalike wen peopo wack da wheat Fo split um from da junk kine stuff.

John 6:45

Da guys dat wen talk fo God long time befo time, dey write, ‘God goin teach all da peopo.’ Erybody dat lissen da Faddah, an learn da good kine stuff from him, dey goin come by me an be my guys.