Songs 92:7 - Hawaii Pidgin Bible

⁷ Dis wat dey no undastan: No matta da bad kine peopo come up All ova da place jalike grass, An all da bad guys Dat stay do wass wrong Look good, Jalike wen da flowas come out, God goin wipe um out, An dey goin stay wipe out foeva!

Songs 92:7 ပူးပေါင်းရင်းမြစ်များ

Job 12:6

Eryting stay quiet inside da tents Wea da guys live dat like bus up eryting. An inside da tents wea da guys live Dat make God come huhu, No mo nobody bodda dem. Az jalike dey carry dea idol kine gods wit dem.

Songs 37:38

But da peopo dat no like lissen notting, God goin wipe all dem out one time. Da bad guys, dea ohana Goin get cut off from God foeva.

Songs 73:12

Dass how da peopo Dat do bad kine stuff stay. No mo notting bodda dem any time. Dey stay make Mo an mo plenny money.

Songs 73:22

Me, I stupid, an donno notting! Eh God, gotta be you was tinking Dat I jalike one lolo animal.

Songs 94:4

Da tings dey tell cuz dey tink dey big Come out plenny from dea mout, An no bodda dem! All dem crooked guys stay talk big Bout da bad tings dey do.

Smart Guys 1:32

Da peopo dat easy fo bulai, Dey goin go away from me, Az dea fault Wen dey get all bus up an mahke from dat. Da stupid peopo, dey ack jalike notting bad goin happen, An cuz a dat, someting goin wipe um out.

Isaiah 37:27

An fo you make da peopo dat live dose towns Get ony litto bit powa. Dey lose fight an come shame. Dey come jalike da plants dat grow inside one field, Da young green grass O da grass dat grow on top da roof O on top wea you plow fo plant da wheat, Wea da sun burn um befo can grow.

Malakai 3:15

So den, from now, us guys goin figga, ‘Da peopo dat ack jalike dey mo betta den all da odda peopo an no give a rip bout nobody, dey da ones dat stay good inside.’ Da peopo dat do wass wrong, dey da ones dat come rich! Even wen dey push God fo see if he goin punish dem, notting bad happen to dem!”

Malakai 4:1

Dis wat Da One In Charge, Da God Ova All Da Armies tell: “You know wat I goin do? Fo all da peopo dat ack jalike dey mo betta den erybody, An fo all da peopo dat stay do bad kine stuff— Da time goin come, wen dose peopo goin come Jalike da lef ova junk kine stuff from da wheat Dat peopo burn up inside one hot burning oven! No goin get notting lef, Not even da roots, not even da branches!

1 Peter 1:24

Da Bible befo time tell, “Erybody stay jalike one grass, o one flowa. Dey ony nice fo short time. Den da grass all dry up An da flowa fall down. Den dey come poho an mahke,