Songs 92:6 - Hawaii Pidgin Bible

⁶ But fo da kine peopo Dat donno how fo tink good, Get stuff dey no goin know. Da dumb buggahs dat tink Dey no need learn notting, Dey no can undastan Wat I goin tell now.

Songs 92:6 ပူးပေါင်းရင်းမြစ်များ

Songs 104:24

Eh! You Da One In Charge! Get choke plenny tings you wen make! An eryting you make, You know wat you stay do! Da world stay full A da tings you wen make.

Songs 139:14

I like tell you dat you da greates, Cuz wen you wen make me You wen do spesho kine tings fo me, An ho! dass skery! Eryting you make, stay awesome! Inside I know dass da trut Fo real kine!

Songs 14:1

Da stupid peopo, dey tink “No mo God!” Dat kine peopo, dey jam up stuff. Pilau wat dey do! No mo even one a dem dat do good kine stuff!

Songs 32:9

No ack jalike da horse o da mule Dat no undastan Wea dey suppose to go, You gotta use da bit an da bridle Fo no let um run away.”

Songs 49:10

Even da peopo dat know Wat fo do erytime, Dey mahke, Same ting da peopo dat tink dey get um, But dey no get um, An jalike da stupid peopo too— All dem disappea. Dey leave all dea stuffs Fo odda peopo dat come afta.

Songs 73:22

Me, I stupid, an donno notting! Eh God, gotta be you was tinking Dat I jalike one lolo animal.

Songs 75:4

“I tell da guys dat talk big Bout wat dey do, ‘No talk big!’ I tell da guys dat stay do Bad kine stuff, ‘No show off how strong you stay!

Songs 94:8

You guys from oua peopo Israel Dat donno how fo tink notting, Mo betta you undastan! You peopo dat do stupid kine stuff, No good you neva learn wat fo do!

Smart Guys 1:22

“Eh, you guys dat donno notting an easy fo bulai! You guys like stay lidat, o wat?! An you buggahs dat no mo respeck fo nobody cuz you tink you real smart, You like stay lidat?! You stupid buggahs dat figga you no need learn notting, How come you no like wen peopo try tell you da trut?!

Smart Guys 24:7

Da peopo dat do bad kine stuff An dat no bodda dem, No way dey goin undastan Wat da guys dat know wat fo do erytime, tell. Az why, wen dey go by da importan peopo, Dey no mo notting fo tell.

Smart Guys 30:2

Cuz I know I one dumb buggah, an mo like one animal den one guy. I no undastan wat peopo suppose to undastan.

Isaiah 1:3

Da cows know who own um, An da donkeys know wea dea owna give um food. But da Israel peopo, dey donno me. Even my peopo no undastan notting bout me.”

Isaiah 28:29

So all dis stuff dat da farma guys know, Dass one mo ting dat come from Da One In Charge, Da God Ova All Da Armies. Wen he teach peopo how fo do someting new, Dea jaw drop! Fo shua he know how fo do Importan kine stuff erytime!

Isaiah 55:9

Jalike da sky stay mo high den da earth, Same ting, da way I do stuff, stay mo high Den da way you guys do stuff. An da way I tink, I tink mo betta Den da way you guys tink.

Jeremiah 10:14

Peopo, dey stupid. Dey donno notting. Da guys dat make stuff from gold come shame cuz a da idols dey make. Da idol kine gods dey make, dey not da real kine God. Dey no can breave!

Jeremiah 32:19

You tell plenny peopo wass good fo dem do, an you stay strong fo do plenny kine stuff. You see an know how all da peopo stay live. You pay erybody fo da way dey live, good o bad, an fo wateva happen from da tings dey do.

Luke 12:20

But God tell, ‘Eh brah! Wat you tinking! Tonite you goin mahke! Den who goin get all da stuffs you wen stack up?’

1 Corint 2:14

Dass why, if get one guy dat no mo God Spirit in charge a him, but ony da spirit dat da peopo inside da world get, dat guy no goin lissen da stuff dat come from God Spirit. He goin figga, “Az wase time!” No way da guy goin undastan. Gotta stay tight wit God Spirit fo figga out if dat kine stuff stay true.